Фото: Reuters
Федерал ҳайъат - АҚШда ҳакамлар ҳайъати президент Доналд Трампнинг собиқ бош маслаҳатчиси 68 ёшли Стив Бэннонни 2021 йил 6 январь куни Капитолийга ҳужумни тергов қилаётган қонун чиқарувчилар олдида гувоҳлик бериш учун чақирув қоғозига бўйсунмагани учун АҚШ конгрессига ҳурматсизликда айбдор деб топди. Қарор 22 июль, жума куни қабул қилинди.
Бэннон жараёнга чақирув қоғози бўйича келмаган ва вакиллар палатаси комиссияси сўраган ҳужжатларни тақдим этмаган, шу сабабли унга нисбатан АҚШ конгрессига ҳурматсизлик бўйича иккита айблов қўйилган.
12 нафар аъзодан иборат ҳакамлар ҳайъати уч соатдан кўпроқ вақт давомида муҳокама қилиб, Бэннонни иккала моддада ҳам айбдор деб топди.
Энди Трампнинг бош стратеги ҳар бир айблов бўйича камида 30 кун ва кўпи билан бир йил қамоқ жазосига ҳукм қилиниши мумкин. Ҳукм эълон қилиниши 21 октябрга белгиланган.
Вазиятни шарҳлар экан, Стив Бэннон шундай таъкидлади: «Биз бугун жангда ютқазган бўлишимиз мумкин, аммо бу урушда мағлуб бўлмаймиз. Мен - Трамп ва конституция тарафидаман».
Бир кун аввал АҚШ конгресси Доналд Трампни Капитолийга ҳужум вақтида атайиб ҳеч қандай ҳаракат қилмаганликда айблаган эди.
АҚШда оралиқ сайловлар 8 ноябрга белгиланган.
2021 йил 6 январда АҚШ президентлик сайловларида мағлуб бўлган Доналд Трампнинг Вашингтондаги митингда сўзлаган нутқидан сўнг унинг радикал тарафдорлари Капитолийга бостириб киришди, у ерда Сенат ва вакиллар палатаси қўшма йиғилиши иштирокчилари овоз бериш натижаларини тасдиқлади. Намойишчилар бинога бостириб киришга муваффақ бўлди, конгрессдаги мунозаралар бир неча соатга тўхтатилди, қонун чиқарувчилар эвакуация қилинди.
Тартибсизликлар иштирокчилари полиция билан тўқнашган, полиция эса кўздан ёш оқизувчи газ билан жавоб берган. Миллий гвардия Вашингтонга етиб келди. Тўқнашувда беш киши, жумладан бир полициячи ҳалок бўлган. Расмийлар бир неча соатдан кейин яна конгресс биносини назоратга олди. Кейинги ҳафталарда яна икки полициячи ўз жонига қасд қилди. Тартибсизликлардан кейин 50 га яқин одам қўлга олинган, уларнинг бир нечасига айблов эълон қилинган.
Капитолийга ҳужумдан кейин АҚШ конгресси вакиллар палатасининг комиссияси Трампнинг воқеалардаги ролига ойдинлик киритиш учун 140 мингдан ортиқ ҳужжатларни ўрганиб чиқди ва 1000 дан ортиқ гувоҳлар билан суҳбат ўтказди. Июнь ойининг бошидаги биринчи йиғилишида комиссия Вашингтондаги тартибсизликлар учун биринчи навбатда Трампни жавобгар деб ҳисоблади. Саккизинчи йиғилишдан сўнг комиссия ишида танаффус эълон қилинди, сентябрь ойида янги эшитувлар ўтказилади. Трамп ўз айбини тан олмади ва 2024 йилда яна президентликка номзодини қўйишини истисно этмаяпти. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Шольц ва Путин ўртасидаги суҳбат Киевга сигнал бўлди
Туркия Исроил президенти самолётини ҳаво ҳудудига киритмади
Рашида Толиб Конгресс аъзоларига «аччиқ ҳақиқат»нинг суратини кўрсатди
Туркиянинг Harper’s Bazaar нашри йил аёлини аниқлади (фото)
Эрон АҚШдан 1 трлн доллар компенсация талаб қилди
Айрим бошқарув сервис компаниялари шартномаларида асоссиз шартлар белгилангани аниқланди
