Фото: Getty Images
АҚШ жаҳон саҳнасида бирин-кетин тарихий хўрликни бошдан кечирмоқда, деди мамлакатнинг собиқ президенти Дональд Трамп Вашингтондаги America First Policy Institute форумидаги чиқишида.
«Мамлакатимиз жаҳон саҳнасида бирин-кетин тарихий хўрликларни бошдан кечиришга мажбур бўлмоқда, уйимизда эса асосий ҳуқуқ ва эркинликларимиз қамалда қолган», — деди Трамп.
Собиқ президентнинг сўзларига кўра, у мамлакатга раҳбарлик қилган йиллари АҚШ энергетика соҳасида етакчи бўлган, бензин нархи ва инфляция даражаси мақбул бўлган, халқаро майдонда эса америкаликларни ҳурмат қилишган.
Энди Трампнинг сўзларига кўра, чегара юмшагани сабабли Қўшма Штатлар муҳожирлар билан тўлиб кетди, энергия манбаларини бошқа давлатлардан сўрашга мажбур, инфляция ва бензин нархлари осмонга чиқмоқда.
Трамп АҚШнинг 45-президенти бўлган. У 2017 йилдан 2021 йилгача мамлакатни бошқарган ва кейинги сайловларда Жо Байденга ютқазган. Мағлубиятдан кейин Трамп доимий равишда Байден маъмуриятининг сиёсатини танқид қилмоқда. Хусусан, у Байденни «Америка орзусини ўлдиришда» айблади. Бундан ташқари Трампнинг ишонч билдиришича, агар у АҚШни бошқарганида, Украинада ҳеч қандай жанговар ҳаракатлар бўлмаган, АҚШда инфляция бунчалик тез ўсмаган бўларди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Энди операциядан сўнг кесмалар ўрни икки баробар тезроқ битиши мумкин
Apple донгдор икки айфонини расман эскирган деб эълон қилди
Россиялик депутат: «Олий маълумотлиларнинг курерлик қилиши — ватанпарварликка зид»
Омега-3 қандай қилиб озишга ёрдам беради?
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Хатолар ва мағлубиятлар... улар кечириладими?
Жо Байден: “Баъзан хотиним мени космосга жўнатиш билан таҳдид қилади”
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
