Фото: АҚШ элчихонаси
10 август куни Тожикистонда АҚШ Қуролли кучлари марказий қўмондонлиги томонидан ташкил этилган ҳарбий машғулотлар бошланди. Бу ҳақда АҚШнинг Тожикистондаги элчихонаси хабар берди.
АҚШнинг Тожикистондаги элчиси Жон Марк Поммершейм 20 августга қадар давом этадиган «Минтақавий ҳамкорлик-2022» ҳарбий машғулотлари иштирокчиларини қутлади.
Поммершейм бу АҚШнинг Марказий ва Жанубий Осиё давлатлари иштирокидаги энг йирик ҳарбий машғулотлари эканлигини таъкидлади.
«Ушбу машғулот минтақадаги ҳамкорларимиз билан муносабатларни мустаҳкамлаш учун ноёб имконият яратади», деди у.
Элчихона маълумотларига кўра, ҳар йили ўтказиладиган машғулотлар барқарорликни таъминлаш, терроризмга қарши курашиш, давлатлар ўртасида ҳамкорлик ва қўшма имкониятларни ривожлантириш бўйича кўпмиллатли операцияларни кучайтиришга қаратилган.
Элчихона хабарига қараганда, олти кунлик қўмондонлик-штаб машғулотларида АҚШ, Тожикистон, Қозоғистон, Қирғизистон, Ўзбекистон, Покистон ва Мўғулистон ҳарбийлари иштирок этади.
Тожикистон ва АҚШ Фахрободдаги ўқув марказида беш кунлик икки томонлама дала машғулотларини ҳам ўтказади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организм ўзини токсинлардан қандай тозалайди?
Энди операциядан сўнг кесмалар ўрни икки баробар тезроқ битиши мумкин
Глобал очлик ва қашшоқликка қарши кураш алянсига 82 мамлакат аъзо бўлди
Омега-3 қандай қилиб озишга ёрдам беради?
Тюмен областига Ўзбекистондан меҳнат мигрантлари ишга жалб қилинади
Хатолар ва мағлубиятлар... улар кечириладими?
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
КХДР Россияга 100 минггача ҳарбий юбориши мумкин
