Ким Чен Ин душманларни лақиллатиш учун саккизта бир хил қаср қурдирган

^{Фото: Eye Press News}
Шимолий Корея етакчиси Ким Чен Ин Пхеньян марказида саккизта бир хил қароргоҳ қурдирган. Daily Mail таҳлилчилари ушбу қасрларнинг вазифасини аниқлади.

Муаллифларга кўра, КХДР раҳбари унга қарши ракета ҳужуми уюштириши мумкин бўлган «ёмон ниятлилар»ни шу тариқа лақиллатмоқчи. У бинолар орасида кўчиб, мунтазам равишда турар жойини ўзгартиради — уни ўлдиришни режалаштирган душманлар қаерга зарба беришни билмай қолади.

- "Бу — ўн йиллардан бери давом этаётган мушук-сичқон ўйинининг навбатдаги босқичи, унда Шимолий Корея раҳбари ўзининг қаерда экани ҳақидаги сунъий йўлдош тасвирларидан қочади", — деб ёзади Daily Mail.

Қайд этилишича, қасрлар барча зарур нарсалар билан жиҳозланган. Бинолар ичида ҳатто кўнгилочар жойлар ва ресторанлар мавжуд.