Фото: «ТАСС»
Қримнинг бир қатор расмийлари ўз оилаларини яриморолдан олиб кетган. Бу ҳақда Қрим-татар халқи етакчиси Мустафо Жемилев «Крим.Реалии» нашрига берган интервьюсида маълум қилди.
Унга кўра, Қрим бош вазири деб таърифланувчи Сергей Аксенов ва спикер Владимир Константинов ҳудуддан оилаларни олиб кетган, бундан ташқари яриморолдаги Россия Федерал хавфсизлик хизмати ходимлари ҳам у ердан ўз одамларини олиб чиққан.
«Қримдаги кайфият ҳар хил, албатта. Ваҳима — Россия томонидан йирик машиналар оқимини ўзингиз кўрдингиз. Менга Аксенов ва Константиновнинг оилалари олиб кетилганини айтишди. ФХХ ходимлари ҳам одамларини олиб кетишди. Бу яхши белги.
Қрим татарлари эса бир-бирларини зиёрат қилиб, яхши янгилик муносабати билан қаҳва ичмоқда», — деди Жемилев.
Унинг таъкидлашича, агар яриморолда жанговар ҳаракатлар бошланса, Украинанинг ҳаракатлари Россиянинг босқин пайтидаги ҳаракатлари каби бўлишини тасаввур қилиш қийин.
Қрим 2014 йилда референдум натижасида Россия таркибига кирган. Украина ва Ғарб давлатлари расмийлари овоз бериш натижаларини тан олмайди. Россия ярим оролга эгалик масаласини ёпиқ деб ҳисоблайди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шимолий Корея Россияга узоққа зарба берувчи қуроллар юборди
Тюмен областига Ўзбекистондан меҳнат мигрантлари ишга жалб қилинади
Дунёнинг машҳур аёллари кунни қандай бошлайди?
Рашида Толиб Конгресс аъзоларига «аччиқ ҳақиқат»нинг суратини кўрсатди
КХДР Россияга 100 минггача ҳарбий юбориши мумкин
Ижтимоий тармоқлар даврида руҳий саломатликни қандай сақлаш мумкин?
Туркия Исроил президенти самолётини ҳаво ҳудудига киритмади
Эрон АҚШдан 1 трлн доллар компенсация талаб қилди
