Германия Украинага қанча керак бўлса, шунча вақт ёрдам кўрсатишни ваъда қилди

^{Анналена Бербок
Фото: Global Look Press}
Германия Украинага қанча зарур бўлса, шунча вақт пул ва ҳарбий ёрдам кўрсатади, деди мамлакат ташқи ишлар вазири Анналена Бербок Bild am Sonntag нашрига берган интервьюсида.

- "Биз оғир қуроллар етказиб бермоқдамиз. Тушунаман, украиналиклар қурол янада кўпроқ ва тезроқ етказилишини истайди. Аммо ҳозирги вақтда биринчи навбатда зарур бўлган ўта замонавий ва амалиётдаги тизимлар бизда кўп эмас", — деди Бербок ва ҳозир ҳарбий саноат бевосита Киев учун ишлаб чиқарилаётганини таъкидлади.

Унинг сўзларига кўра, Берлин келаси ёзда ҳам Украинага «дўстларидан» оғир қуроллар керак бўлиши мумкинлигидан келиб чиқиб, иш кўрмоқда.

- "Украина бизнинг эркинлигимизни, дунёдаги тартибни ҳимоя қилмоқда, биз эса уни қанча зарур бўлса, шунча вақт моддий ва ҳарбий жиҳатдан қўллаб-қувватлаймиз", — деб ваъда берди Германия ТИВ раҳбари.

24 август куни Бербок Украинага қўшимча қуроллар кузда етказилиши кераклигини айтган ва қуролли можаро бу йил якунланмаслигига тайёргарлик кўришга чақирган. Шу билан бирга, у Бундесвер захираларида қурол етишмаслигини тан олган. Бунгача Мудофаа вазири Кристина Ламбрехт ҳам Бундесвер захираси деярли тугаб қолганини айтган. Германия Киевга, жумладан учта Марс II баравар ўт очувчи реактив тизимларни топширган.

Дастлаб Германия Украинани оғир қуроллар билан таъминлашни истамаган эди, бироқ кейинчалик канцлер Олаф Шольц Россиянинг ҳаракатлари туфайли Берлин ўз қарорини ўзгартиришга мажбур бўлганини айтди. Унинг қайд этишича, Украина ҳарбийларига Германия қуролли кучларида ҳали ишлатилмаган қуроллар ҳам берилган. «Замин» янгиликларини «Вконтакти»да кузатиб боринг