Зеленский: “Бу уруш учун нафақат Путин, балки бутун Россия жавобгар!”

Украина президенти Москва маъмурияти урушни давом эттирар экан, эмбарго қўлланилиши кераклигини таъкидлади.

Украина президенти Владимир Зеленский Украинадаги уруш учун нафақат Россия президенти Владимир Путин, балки бутун Россия жавобгар эканлигини айтди.

17-Блед стратегик форумида нутқ сўзлаган Зеленский Россия музокаралар олиб боришни истамаслигини таъкидлади ва уни унга тегишли бўлмаган ҳамма нарсани тортиб олишга интилаётган аллигатор билан солиштирди.

Словения Бош вазири Роберт Голоб, Исландия Президенти Гудни Т. Йоханнессон, Хорватия Бош вазири Андрей Пленкович ва Албания Бош вазири Эди Рама иштирок этган форумда Зеленский видеоконференция орқали нутқ сўзлади.

“Россия музокараларга тайёр эмас, уларда музокаралар олиб бориш истаги йўқ. Талаблари орасида Донбасс ва Қримни Россия ҳудуди сифатида тан олишимиз керак бўлган қатор ултиматумлар бор. Ва яқинда Украинанинг босиб олинган ҳудудларида янги "референдумлар" сериясини ўтказгандан сўнг, мамлакатимиз жанубини Россия ҳудуди сифатида тан олиши кераклигини оммавий равишда айтишни бошладилар”, деди Зеленский.

Украина президенти Россияни аллигаторга қиёслади, у ўзига тегишли бўлмаган ҳамма нарсани тортиб олишга жуда иштиёқлидир:
“Русларга нима дейишингиз, ҳар қандай сўз айтишингизнинг аҳамияти йўқ. Музокара қилиб, сулҳ тузсангиз ҳам бефойда. Шундан кейин ҳам улар Украинанинг бошқа ҳудудларини босиб олиш учун ҳаракат қилаверади", деди у.

Россия Болтиқбўйидан тортиб Қозоғистонгача бутун минтақага таҳдид солаётганини иддао қилган Зеленский, Москва маъмурияти урушни давом эттирар экан, эмбарго амалда бўлиши кераклигини қўшимча қилди. “Замин” янгиликларини “Одноклассники”да кузатиб боринг