Зеленский Исроилдан Россияга қарши санкциялар кутмоқда

Исроил бош вазири Яир Лапид ва Украина президенти Владимир Зеленский ўртасида телефон орқали мулоқот бўлиб ўтди.

Исроил бош вазири матбуот хизматининг маълум қилишича, 24 август куни Лапид Украина халқини мустақилликнинг 31 йиллиги муносабати билан табриклаган ва Украина халқини қўллаб-қувватлашини билдирган.

“Бош вазир Лапид ва президент Зеленский Украинадаги урушни муҳокама қилишди. Бош вазир урушда ҳалок бўлган ва яраланганларга ҳамдардлик билдирди ҳамда урушни тугатиш учун дипломатик ечим топишга чақирди”, дейилади хабарда.

Украина президенти Зеленский ҳам ўзининг Тwitter’даги саҳифасида Лапид билан бўлган телефон суҳбатига изоҳ берди.

“Мен биринчи телефон орқали Исроилнинг янги бош вазири Яир Лапид билан суҳбатлашдим. Мен Исроилга Россияга қарши санкwияларда иштирок этишига ва Россия Федерациясининг агрессиясига қарши туришда Украинага амалий ёрдам кўрсатишига ишонаман”, — деб ёзди президент Зеленский. «Замин»ни Telegram’да ўқинг!