Украина президенти Владимир Зеленский мамлакатнинг жанубида ва шарқда иккитаси бўлган 3 та аҳоли пункти Россия қўшинларидан қайтариб олинганини маълум қилди.
Россия 2014 йилда ноқонуний равишда аннексия қилган Қрим масаласига тўхталиб ўтган Зеленский: “Украина байроғи ва эркин ҳаёт Қримга қайтишига ишонаман. Биз бутун ерларимизни ва халқимизни озод қиламиз. Украина армияси, разведка хизмати ва махсус хизматлар бунинг учун зарур чораларни кўрмоқда. Босқинчилар Қримдан аллақачон қочишга киришган. Бу улар учун тўғри танлов", деди.
Зеленский, Украинанинг жанубида иккитаси шарқда бўлган 3 та аҳоли пункти Россия кучларидан қайтариб олинганини айтиб, Украина хавфсизлик кучларига миннатдорчилик билдирди.
Украина президенти қайта тикланган аҳоли пунктлари қаерда эканлиги ҳақида маълумот бермади.
Маҳаллий матбуотда тарқалган маълумотларга кўра, Херсоннинг Високопиля қишлоғи ва Донецкнинг Озерне қишлоғи Украина кучлари томонидан қайтариб олинган.
29 август куни Украина армияси мамлакат жанубидаги Херсон вилоятида рус қўшинларига қарши қарши ҳужум бошлаганини хабар қилганди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
