5 160
Ҳиллари Клинтон Москвага ташрифи чоғида қизини Кремлда унутиб қолдиргани ҳақида гапириб берди

Фото: Getty Images
Билл Клинтон президентлиги даврида (1993—2001 йиллар) рафиқаси Ҳиллари билан Москвага ташрифи чоғида қизлари Челсини Кремлда қолдириб кетган. Бу ҳақда Ҳиллари Клинтон Жимми Фэллоннинг кечки шоусида гапириб берди, ушбу кўрсатувга у қизи Челси билан бирга келди, деб ёзади «РБК».
«Челси буни эслолмайди, деб умид қиламан, чунки бу анчагина травматик ҳолат эди. Биз уни Россия олиб келгандик, Россияга! Ўша пайти у ерда давлат ташрифи билан бўлгандик, бу вақтда Билл президент эди. Биласиз, расмий хайрлашув бўлади, шунинг учун мени ва Биллни аэропортгача катта лимузинда кузатиб қўйишган, биз эса уни қолдириб кетганимизни билмай қолганмиз», — деди Клинтон.
Сўнг у воқеа Кремлда юз берганини қўшиб қўйди, аммо қайси йили бўлганига аниқлик киритмади. Челсининг ўзи бу ҳодиса ёдида турганини айтиб, уни «энг жиннича оилавий сафарлардан бири» деб атади.
«ТАСС» Кремль протоколи собиқ шефи Владимир Шевченкога таяниб хабар беришича, Клинтонлар оиласи ҳақиқатан ҳам тўлиқ таркибда Москвага келган (қайси йили эканига яна аниқлик киритилмади), аммо Шевченко «Кремлда унутиб қолдирилган ёш бола» воқеасини эслолмади.
Агентлик қайт этишича, гап 1994 йил, Борис Ельциннинг президентлик давридаги ташриф ҳақида бораётган бўлиши мумкин. Клинтон Россияга жами беш марта келган, сўнгги ташрифи Владимир Путиннинг президентлик даврига тўғри келган.
Челси — Клинтонларнинг ягона фарзанди. У 1980 йилда туғилган бўлиб, жамоатчилик фаоли ва ёзувчидир. Клинтон фондида ва ушбу фонднинг Янада соғлом авлод альянсида ишлайди. Челси уч фарзанднинг онаси.

Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар