«Харков вилоятидан чекинган рус қўшинларининг аксарияти чегарани кесиб ўтган ва Россия ҳудудида жойлашган». Бу ҳақда Пентагоннинг юқори лавозимли амалдори CNN телеканалига берган интервьюсида айтиб ўтди.
Унинг сўзларига кўра, Украина Қуролли кучлари Украина жануби ва шарқидаги ерларни озод қилиш учун курашда муваффақиятга эришмоқда.
«Бизнинг маълумотларимизга кўра, Харков яқинида Россия қўшинлари ўзларининг босиб олган ҳудудларини украиналикларга топшириб, шимол ва шарққа чекинишган. Уларнинг кўпчилиги Россия билан чегарани кесиб ўтган», — деган у.
Пентагон сўзловчисига кўра, Россия ҳозирда Донецк вилоятидаги Северскдан Бахмутгача бўлган фронтда жамланган.
«Бахмут Россия кучлари ўз қўлларида тутиб туришга ҳаракат қилаётган марказ бўлиб қолмоқда. Биз артиллерия ва ҳаво ҳужумлари интенсив бўлаётганига гувоҳ бўляпмиз», — деб қўшимча қилган Пентагон расмийси.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
