06:00 / 15.09.2022
1 681

Одамлар биздан қурол талаб қилмоқда – Запорожье вилояти ҳукумати

Одамлар биздан қурол талаб қилмоқда – Запорожье вилояти ҳукумати
Запорожье вилояти аҳолиси минтақани Украина қўшинларининг эҳтимолий ҳужумларидан ҳимоя қилиш учун уларга қурол-яроғ берилишини талаб қилмоқда. Бу ҳақда Запорожье вилояти маъмурияти бош кенгаши аъзоси Владимир Рогов маълум қилди.

Аввалроқ Украина қўшинлари ҳужумга тайёргарлик кўриш учун катта кучларни тўқнашув чизиғига жамлаётгани ҳақида маълум қилинган.

Запорожье вилояти аҳолиси оммавий равишда бизга мурожаат қилиб, Украина қўшинларининг ҳужумга уринишларига йўл қўймаслик учун уларга қурол беришни талаб қилмоқда. Бутун жамият Зеленский террорчи режимига қарши бирлашди”, деди Рогов РИA Новости агентлигига.

Махсус операция давомида Россия ҳарбийлари Херсон ва Запорожье вилоятининг Азов денгизига туташ қисмини назоратга олди, Херсон, Мелитополь ва Бердянск каби йирик шаҳарларни озод қилди. Ҳар икки вилоятда янги маъмуриятлар шакллантирилди, Россия телеканаллари ва радиостанциялари эфирга узатилмоқда, Қрим билан савдо ва транспорт алоқалари тикланмоқда. Вилоятлар Россия таркибига кириш режаларини эълон қилди. Бундан ташқари, саккиз йил ўтгач, Шимолий Қрим канали блокдан чиқарилди.

arenda kvartira tashkent
Ctrl
Enter
Хато топдИнгизми
Иборани ажратиб Ctrl+Enter тугмасини босинг