Доғистонда аҳоли сафарбарликка қарши норозилик билдирди. Полиция ҳавога ўқ узди (видео)

25 сентябрь куни тушдан кейин Доғистоннинг Хасавюрт туманидаги Эндирей қишлоғи аҳолиси Хасавюрт—Махачқала федерал автомобиль йўлини тўсиб қўйди.

«Спросите у Расула» Telegram канали хабарига кўра, аҳоли сафарбарликка қарши норозилик билдирмоқда. «Тут Дагестан» каналининг ёзишича, қишлоқдан 110 киши сафарбарликка чақирилган, аҳоли ўғиллари, укалари ва эрларини ҳимоя қилиш учун акцияга чиққан. Гувоҳлар олган тасвирларга кўра, полиция ҳавога ўқ узган ҳолда намойишчиларни тарқатиб юборишга ҳаракат қилган. Жароҳатланганлар ёки ҳибсга олинганлар бор-йўқлиги, номаълум.

pic.twitter.com/CdxogjRE82

— Шухрат Раззаков (@ShuhratRazzakov) September 25, 2022

pic.twitter.com/lt2uId8kRJ

— Шухрат Раззаков (@ShuhratRazzakov) September 25, 2022

pic.twitter.com/C4LV4lUx7d

— Шухрат Раззаков (@ShuhratRazzakov) September 25, 2022

Аввалроқ Ёқутистонда аёллар сафарбарликка қарши намойишга чиққан эди.

Россияда сафарбарликка қарши ҳаракатлар 21 сентябрда бошланган. Ўша куни Россия шаҳарларида 1300 дан ортиқ одам ҳибсга олинган. «ОВД-Инфо»нинг сўнгги маълумотларига кўра, 24 сентябрь куни бўлиб ўтган намойишларда 800 дан ортиқ одам ҳибсга олинган. “Замин” янгиликларини “Telegram”да кузатиб боринг