Ижтимоий тармоқда Москва ЙПХ ходимлари ва Марказий Осиёдан борган мигрант ўртасидаги суҳбат акс этган видео тарқалди.
Хорижлик фуқаро нима айб иш қилгани номаълум. Видеотасвирда полиция мигрантдан бир неча марта Россияга нима учун келганини сўраётганини кўриш мумкин:
— Ўғирлик қилгани келганмисан?, — деб қайта сўроққа тутяпти полиция.
— Ишлагани келганман, — деган жавобга эътибор ҳам бермай, унга урушга бориб хизмат қилиши ва Россияни ҳимоя қилишини буюриб, дўқ уряпти.
Россия кўплаб давлат фуқароларини "бағри"га сиғдирган давлат. Аммо бугун вазият аввалгидек эмас. Путин қисман сафарбарлик эълон қилган кундан бошлаб Россиядаги мигрантлар тақдири глобал масалага айланди. Россия ҳукумати мигрантларни урушга тортишнинг турли йўлларини қидирмоқда. Юз минглаб россияликларнинг урушга чақирилишдан қочиб ўзга юртларга чиқиб кетаётгани ҳарбийга чақирилувчилар сонига таъсир этмай қолмайди.
Меҳнат муҳожирларига мўмай даромад илинжида уруш ўчоғига бориб қолмасликлари учун такрор ва такрор мурожаатлар қилинмоқда.
Россия-Украина можароси ҳазил эмас. Бу ҳақиқий уруш. Бунга аралашиб, ўзингизни қурбон қилманг! Зеро, тинч ва осуда ҳаёт Яратганнинг инъоми. Бунга хиёнат қилишга ҳеч кимнинг ҳақи йўқ.
Манба: Azon.uz
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
