Фото: Facebook / Иля Светиков
Москвада ҳарбий хизматга чақирув қоғози Куркино муниципал округи раҳбари Иля Светиковга топширилди. Бу ҳақда унинг ўзи хабар берди.
Қайд этилишича, Иля Светиков айни пайтда Куркино муниципал округи бўйича чақирув комиссиясининг раҳбари ҳисобланади.
Иля Светиков бу ҳақда бир кун аввал Facebook'даги саҳифасида хабар берди. У ижтимоий тармоқдаги саҳифасига воқеа акс этган видео ва чақирув қоғози суратини жойлаштирган.
Бундан олдин АҚШ ўз фуқароларини Россияни зудлик билан тарк этишга чақирганди.
Сафарбарлик фонида Россияни тарк этиш имкониятлари тобора камайиб бормоқда, дея огоҳлантирди АҚШ Давлат департаменти. Унинг таъкидлашича, икки фуқаролиги бўлган шахслар Украина билан уруш учун армияга чақирилиши мумкин.
28 сентябр, чоршанба куни АҚШнинг Москвадаги элчихонаси сайтида эълон қилинган мурожаатда Давлат департаменти 21 сентябр куни Россияда «қисман сафарбарлик» эълон қилингани ва икки фуқароликка эга бўлганлар армияга чақирилиб, Украина билан урушга юборилиши мумкинлигини эслатган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
