Азов денгизи расман Россиянинг ички денгизига айланди. Бу ҳақида Давлат Думаси депутати Михаил Шеремет маълум қилди.
ДХР, Запорожье ва Херсон вилоятларининг Россия таркибигга кириши муносабати билан Азов денгизи расмий равишда Россиянинг ички денгизига айланди, деди Давлат думасининг Қрим вилояти депутати Шеремет.
Унинг сўзларига кўра, бу билан Киев расмийларининг Азов минтақасида провокациялар уюштириш, НАТОнинг эса у ерда ўз ҳарбий-денгиз базасини жойлаштириш режаларига барҳам топади.
Президент Владимир Путин жума куни Кремлда ДХР, ЛХР, Херсон ва Запороже вилоятларида ўтказилган референдумлар якунлари бўйича уларни Россияга қабул қилиш тўғрисидаги битимларни имзолади.
Эслатиб ўтамиз, 23-27 сентябрь кунлари Украинанинг озод қилинган ҳудудларининг Россия Федерацияси таркибига кириши бўйича референдумлар бўлиб ўтган эди. Референдум натижаларига кўра ДХРда - 99,23%, ЛХРда - 98,42 %, Херсон вилоятида - 87,05 % ва Запорожье вилоятида - 93,11% аҳоли Россияга қўшилишни ёқлаб овоз берган эди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
