Украина президенти Владимир Зеленский Япониянинг шимолий ҳудудларини Россия томонидан босиб олинган деб тан олиш ҳақидаги фармонни имзолади.
Бу ҳақда давлат раҳбари анъанавий кечки видеомурожаатида айтиб ўтган.
“Бугун муҳим қарор қабул қилинди. Ҳуқуқий жиҳатдан бенуқсон. Айни пайтла тарихий. Украина Япониянинг суверенитети ва ҳудудий яхлитлигини, жумладан, ҳозирда Россия ишғоли остида бўлган Шимолий ҳудудларини ҳурмат қилишини яна бир бор тасдиқлади”, — деди у.
Зеленский бугун тегишли фармонни имзолаганини таъкидлади.
“Украина Олий Радасининг тегишли баёноти бор. Ва биз дунёдаги барчани худди шундай қарорлар қабул қилишга чақирамиз. Россиянинг бу ҳудудларда ҳаққи йўқ. Буни дунёдаги ҳамма яхши билади. Ва биз ниҳоят ҳаракат қилишимиз керак. Босқинчилар ўз қўлига олишга уринаётган барча ерларни рус истилосидан озод қилиш керак. Фақат шу йўл билан биз халқаро ҳуқуққа тўлиқ куч қайтаришимиз мумкин”, — деди президент Зеленский.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
