Оқ уйнинг янги стартегияси: АҚШнинг мақсади — Россияни тийиш, Хитой билан рақобатлашиш

^{Коллаж: Newinform.com}
Оқ уй АҚШнинг янги миллий хавфсизлик стратегиясини эълон қилди.

Унда Россия ва Хитой билан қарама-қаршиликлар ҳақида, жумладан, шундай дейилган:

Хитой ва Россия ҳамкорлиги тобора мустаҳкамланмоқда, бироқ бу икки мамлакат АҚШ манфаатларига турлича таҳдид уйғотади.
Россия — АҚШ ва «эркин халқаро тизим» учун ўткирроқ ва «шошилинчроқ» таҳдид, бироқ дунё тартиби тамойилларини ўзгартириш учун чинакам иқтисодий, технологик ва дипломатик имкониятларга фақат Хитой эса. «ХХР — халқаро тартибни ўзгартириш ҳамда бу мақсадга эришиш учун иқтисодий, дипломатик, ҳарбий ва технологик қудратга эга ягона рақиб (АҚШ учун)», дейилади янги стратегияда.
АҚШнинг Россияга нисбатан сиёсати «тийиб туриш» хусусиятига эга, Хитойни эса тўлақонли рақобатчи ҳисоблайди.
Хитойни енгиш ва инновациялар пойгасида ютқазмаслик учун АҚШ ўз иқтисодиётини кучайтириш, бутун дунё бўйлаб иттифоқчилари билан алоқаларини сақлаб қолишга урғу беради.
Россия билан низо моҳияти шундаки, Москва ҳарбий куч билан бошқа давлат чегараларини ўзгартириб, ўз ҳудудини кенгайтиришга уринди, бу эса халқаро ҳуқуққа зиддир.
АҚШ Украинани қўллаб-қувватлаб, Россияга Украинадаги низода «стратегик мағлубият»га учраши учун дипломатик ва иқтисодий босим ўтказишни кучайтиради. Америка Москва билан ҳамкорлик имкониятларини топишга уриниб кўрди, бироқ у диалогни рад этди.
Қўшма Штатлар Россиянинг оддий қурол-аслаҳалари салоҳияти пасаяётганини, шу боис Москва «ҳарбий режалаштиришда ядро қуроли»га кўпроқ суянишини англайди.
АҚШ — иммигрантлар мамлакати, шу боис ирқчиликнинг исталган кўринишини қоралайди, шунинг баробарида, Россия ва Хитой халқларининг фан ва маданиятга қўшган ҳиссасини ҳурмат қилади.

Янгиликлар