Daily Star таблоиди YouTubeда антиқа онлайн-трансляция бошлади. Букмекерлар Лиз Трасс 35 кундан сўнг лавозимидан истеъфо беришини кутишяпти — салат (суратдаги сабзавот) чирий бошлаши учун шунча вақт керак бўларкан. Бунинг эҳтимоли: 6 га 1.
Лиз Трасс Буюк Британия ҳукумати ҳамда Консерватив партияни бошқараётганига атиги 37 кун бўлди. Ушбу лавозим учун курашаётганида у солиқларни сезиларли камайтиришга, миллий иқтисодиётни узоқ йиллик турғунликдан олиб чиқишга ваъда берганди. Ваҳоланки, Трасс ҳукумат тепасига келганидан сўнг фунт стерлинг Маргарет Тэтчер замонидан буён энг пастликка қулади.
Собиқ молия вазири Квази Квартенг 23 сентябр куни эълон қилган фискал сиёсат концепцияси аслида Трасснинг солиқларни пасайтириш сиёсатига ҳамоҳанг эди. Бироқ бозор бунга шунчалик салбий акс-садо бердики, оқибатда Англия банки пенсия жамғармасига зарба бўлмаслиги учун аралашишга мажбур бўлди. Сўровлар Консерватив партияни қўлловчилар кескин камайиб кетганини кўрсатмоқда, партиядошлари ўз курсини ўзгартиришни талаб қилиб бош вазирга босим ўтказишни бошлашди.
Энди, Reuters эътибор қаратишича, Трасс инвесторларни тинчлантириш учун давлат харажатларини қисқартириш ва солиқларни ошириш бўйича чора-тадбирлар пакетини шакллантиришга мажбур. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Ўзбекистонликлар доимий яшаш учун кўпроқ қайси давлатларга кўчиб кетмоқда?
Мессининг салкам 1 миллион долларга сотилган салфеткаси ҳақида
“Рома” Шомуродов учун яна 8 миллион евро харажат қилади!
Шимолий Корея янги кўрсаткичларга эга баллистик ракетани синовдан ўтказди
Украина президенти маҳбусларни сафарбар қилиш тўғрисидаги қонунни имзолади
Жиззахда учта юк машинаси иштирокида ЙТҲ содир бўлди
Пневматик қуролларни ўз ихтиёри билан топширганлар жавобгарликдан озод этилади