Исроилнинг Украинага қурол етказиб бериш қарори бепарволик билан қабул қилинган кўринади. Бу фикрни Россия Федерацияси Хавфсизлик кенгаши раиси ўринбосари Дмитрий Медведев телеграм каналида ёзиб қолдирди.
Унинг фикрича, Тель-Авивнинг бундай қарори “жиддий оқибатларга” олиб келиши мумкин.
"Россия Федерацияси ва Исроил ўртасидаги барча давлатлараро муносабатлар барбод бўлиши мумкин", - дея огоҳлантирди Медведев.
Россия Федерацияси Хавфсизлик Кенгаши раисининг ўринбосари ҳар қандай қурол етказиб бериш Украинадаги “нацистлар”ни қўллаб-қувватлаш эканини иддао қилди.
“Агар улар қурол-яроғ билан таъминланса, Исроил Бандера ва Шухевични ўз қаҳрамонлари деб эълон қилиш вақти келди”, — деб ёзган Медведев.
Бир кун аввал Исроил вазири Нахман Шай Вазирлар Маҳкамасига Украинага ҳарбий ёрдам кўрсатишни бошлашни таклиф қилган эди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
