АҚШ Эронга Россияга дронлар етказиб бергани учун санкциялар қўллашга ваъда берди

^{Фото: AP}
АҚШ Давлат департаменти Эрон Россияга дронлар етказиб бериш орқали БМТ Хавфсизлик кенгашининг 2231-резолюциясини бузаётганини таъкидлади. Россия «ҳарбий жиноятлар» учун жавобгарликка тортилиши керак, деб ишонч билдирди Оқ уй.

Россия «ҳарбий жиноятлар» учун жавобгарликка тортилиши керак. Қўшма Штатлар «Россиянинг бугунги ракета зарбаларини кескин қоралайди». Бу ҳақда 17 октябр, душанба куни Оқ уй матбуот котиби Карин Жан-Пьер брифингда маълум қилди. Унинг сўзларига кўра, ҳужумлар Россия президенти Владимир Путиннинг «шафқатсизлигидан далолат беришда давом этмоқда».

Баёнот Россиянинг Украина шаҳарларига учувчисиз учоқлар ёрдамида берган зарбаларидан кейин чиқарилган. Бундан ташқари, Россия Қуролли кучлари бир ҳафта ичида ҳаво ҳужумларининг иккинчи кенг кўламли тўлқини вақтида инфратузилма объектларига ракета зарбаларини давом эттирмоқда.

Киев мэри Виталий Кличко 17 октябр куни пойтахтнинг Шевченко туманидаги турар жой биносига уюштирилган ҳужумда тўрт киши, жумладан, олти ойлик ҳомилага эга аёл ва унинг турмуш ўртоғи ҳалок бўлганини айтди. Украина ички ишлар вазири Денис Монастирский, ўз навбатида, бошқа шаҳарларда ҳам қурбонлар борлигини маълум қилди, бироқ қурбонлар сонини айтмади.

Карине Жан-Пьер 14 октябр куни Вашингтон томонидан эълон қилинган Киевга 725 миллион доллар миқдоридаги янги ҳарбий ёрдам пакетини эсга олди. «Биз Украина халқини қанча вақт керак бўлса, шунча қўллаб-қувватлашда давом этамиз», деди Оқ уй матбуот котиби. «Биз Россия жавоб беришига ишонч ҳосил қилишда давом этамиз, биз уни уруш жиноятлари учун жавобгарликка тортилишини талаб қиламиз», деди у.

Кечки видеомурожаатда Украина президенти Володимир Зеленский 12 соат ичида, 16 октябр соат 21:00 дан Эронда ишлаб чиқарилган 37 та «Шаҳед» учувчисиз учиш аппаратлари ва бир нечта қанотли ракеталар йўқ қилинганини таъкидлади.

АҚШ Давлат департаменти Эрон Россияга учувчисиз учоқлар етказиб бериш орқали БМТ Хавфсизлик кенгашининг 2231-резолюциясини бузаётганини қайд этди. Карине Жан-Пьер, ўз навбатида, Россия томонидан Украинадаги ҳарбий ва фуқаролик объектларига қарши Эрон қуролларидан фойдаланганига оид «тўлиқ далиллар» мавжудлигини тасдиқлади. Қўшма Штатлар Россия-Эрон қурол савдосига қарши санкцияларни «қатъий» амалга оширишда давом этади, деди Оқ уй.

Эрон дронларини ишлаб чиқаришда фойдаланиладиган технология АҚШ санкцияларига дучор бўлиши мумкин, дея огоҳлантирди АҚШ ташқи сиёсат идораси. «Россия ва Эрон ўртасидаги иттифоқнинг чуқурлашиши - бутун дунёда ва айниқса минтақада жиддий таҳдид сифатида қабул қилиниши керак бўлган нарса», - деди Давлат департаменти вакили.

17 октябр куни эрталаб Киев марказига Россия учувчисиз учоқлари ҳужум қилди. Шевченко туманида бешта портлаш содир бўлди, шаҳарга 28 та дрон ҳужум қилди, уларнинг аксарияти автоматик қуроллар ва ҳаво ҳужумидан мудофаа тизимлари томонидан уриб туширилди, деди шаҳар мэри Виталий Кличко.

Ҳужум натижасида турар жой биноси вайрон бўлган, «Укрэнерго» ширкати биноси ва иссиқлик электр станциясига зарар етган. Кличко «Герань-2» ёзуви кўриниб турган уриб туширилган дронлардан бирининг бўлаклари суратини эълон қилди. Шу тариқа, Россия Мудофаа вазирлиги Эронда сотиб олинган Шаҳед-136 камикадзе дронларининг номини ўзгартиради. Россия маҳкамасининг таъкидлашича, зарба «Украинанинг ҳарбий қўмондонлик объектлари ва энергетика тизими объектларига юқори аниқликдаги қуроллар» билан берилган.

17 октябр куни Украина оммавий ахборот воситалари ва минтақавий ҳокимият вакиллари Украинанинг Хмелницкий, Винница, Ривне, Тернопил областлари ўққа тутилгани, портлашлар ва электр таъминотидаги йирик узилишлар ҳақида хабар беришган. Суми областининг Ривне туманида Россиянинг муҳим инфратузилма объектига зарбаси натижасида ушбу корхона ходими ҳалок бўлди, деб хабар берди Украина Бош прокуратураси. “Замин” янгиликларини “Youtube”да кузатиб боринг