Қозоғистонда 2022 йилнинг 21 октябрь куни соат 18:00да мамлакат президентлигига номзодларни рўйхатга олиш якунланди.
Бу вақтга келиб Марказий сайлов комиссияси олти нафар президентликка номзодни рўйхатга олди:
Қосим-Жомарт Тоқаев — амалдаги давлат раҳбари.
Нурлан Ауэсбаев — мухолифатдаги Миллий социал-демократик партия (МСДП) вакили.
Мейрам Кажикен — «Аманат» касаба уюшмалари республика ассоциацияси томонидан кўрсатилган номзод.
Жигули Дайрабоев — «Ауыл» Халқ демократик ватанпарварлик партиясидан номзод.
Каракат Абден — «Профессионал ижтимоий ишчилар миллий альянси» Республика жамоат бирлашмасидан номзод.
Салтанат Турсинбекова — «Қазақ аналары – дәстүрге жол» республика жамоат бирлашмасидан номзод.
Шунингдек, қуйидаги номзодларга президентликка номзодлар учун қонун ҳужжатларида белгиланган талабларга жавоб бермагани сабабли Марказий сайлов комиссияси сайловда қатнашишга рухсат бермади:
Хайрулла Габжалилов — «Асар» оғзаки ижодкорлар жамоат бирлашмаси томонидан кўрсатилган номзод.
Талгат Ергалиев — Қозоғистон қурувчилар уюшмасидан номзод.
Фотима Бизакова — Республика «Амалий психология» жамоат бирлашмасидан номзод.
Бахит Жанабаев — «Қозоғистон футбол мухлислари лигаси» жамоат бирлашмасидан номзод.
Нуржан Альтаев — «Муқалмас» республика жамоат бирлашмасидан номзод.
Жуматай Алиев — «Халқ демографияси» нодавлат ташкилоти томонидан кўрсатилган.
«Қозоғистон Республикаси Марказий сайлов комиссияси томонидан тасдиқланган, 20 ноябрга белгиланган Қозоғистон Республикаси Президенти сайловига тайёргарлик кўриш ва уни ўтказиш бўйича асосий тадбирларнинг календарь режасига мувофиқ, президентликка номзодларни рўйхатга олиш 21 октябр соат 18:00да якунланди», дейди Марказий сайлов комиссияси раиси Нурлан Абдиров.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
