Доналд Трамп муҳим баёнот билан чиқишини эълон қилди

АҚШнинг собиқ президенти Доналд Трамп «муҳим баёнот» бермоқчи. У ушбу тадбирни 15 ноябр куни Мар-а-Лагодаги (Флорида) қароргоҳида белгилаган. Бу ҳақда сиёсатчи Огайодаги тарафдорларига маълум қилди, деб ёзади ТАСС.

АҚШда оралиқ сайловлар 8 ноябрга белгиланган. Республикачилар партияси АҚШ Конгрессининг иккала палатасида ҳам кўпчиликни қўлга киритишга яқин турибди.

Трамп бу ҳолатни «мамлакатни қутқариш» деб атади. Аввалроқ, Трамп 2024 йилги сайловларда қатнашишини истисно қилмаслигини айтганди.