18:05 / 10.11.2022

Урушнинг 259-куни: Херсонга юриш қилаётган украин ҳарбийлари, Зеленскийга «берилган» «Оскар» (фото)

Россия мудофаа вазири Сергей Шойгу қўшинларни Херсондан олиб чиқишга буйруқ берди, ҳарбий қисмлар Днепрнинг чап қирғоғига ўтказилади. Бироқ Украина Россия Херсонни жангсиз тарк этишига ишонмаяпти. Чекиниш ҳақидаги буйруқдан бир неча соат олдин Херсон вилоятининг оккупацион ҳукумати вилоятнинг Россияга қўшиб олинган қисми маъмурияти бошлиғи ўринбосари Кирилл Стремоусов авария оқибатида вафот этганини маълум қилган.

Россия президентининг матбуот котиби Дмитрий Песков Кремлнинг «тажрибаларини» маҳаллий ОАВ вакиллари билан бўлишиш учун аннексия қилинган Луганскга ташриф буюрди.

Владимир Зеленский Россия билан музокаралар учун бешта шартни илгари сурди: улар орасида урушда етказилган барча зарарни қоплаш ва босқин такрорланмаслигига кафолат бериш бор. Амма бу сафар Украина президенти Владимир Путин билан музокаралар олиб бориш мумкин эмаслигини эслатмади. Meduza урушнинг 259-кунига оид асосий фотосуратларни тақдим этди.

Украинларнинг Херсон областидаги юриши

^{Херсондан 175 километр шарқда жойлашган Ивановка қишлоғи атрофида вайрон бўлган РФ армияси ҳарбий техникаси. Украина қуролли кучлари Ивановка озод этилгани ҳақида июл ойидаёқ хабар беришганди. 9 ноябр куни Россия мудофаа вазирлиги Херсондаги қўшинлар олиб кетилишини маълум қилди — шаҳар ва областнинг бир қисми 2 март куни эгаллаб олинган ҳамда саккиз ой давомида истило остида бўлди.
Celestino Arce Lavin / ZUMA Press Wire / Scanpix / LETA}

^{Осокоровка қишлоғидаги эгизак опа-сингиллар онасини қучоқламоқда. Осокоровка Днепр соҳилида, Херсондан қарийб 160 километр шимоли-шарқда жойлашган ва Украина қуролли кучлари томонидан апрел ойида озод этилганди.
Valentyn Ogirenko / Reuters / Scanpix / LETA}

^{Архангельское қишлоғидаги устунда вайрон бўлган бино миналанган бўлиши мумкинлигидан огоҳлантирувчи ёзув. Архангельское октябр ойи бошида Украина қўшинлари назоратига ўтган.
Celestino Arce Lavin / ZUMA Press Wire / Scanpix / LETA}

^{Херсон атрофидаги позициясида «Пион» замбараги устида дам олаётган украин ҳарбийлари.
Stanislav Kozliuk / EPA / Scanpix / LETA}

^{«Настядан Херсонга» ёзуви туширилган украинлар снаряди.
Viacheslav Ratynskyi / Reuters / Scanpix / LETA}

^{2S7 «Пион» ўзиюрар артиллерия қурилмасидан ўт очаётган Украина ҳарбийлари.
Viacheslav Ratynskyi / Reuters / Scanpix / LETA}
Ужгородда совет даври ёдгорликлари бузиб ташланиши

^{Украинанинг Словакия билан чегарадош бўлган шаҳри Ужгородда совет аскарларига ўрнатилган ёдгорлик «снос» қилинди. Област раҳбари Виктор Микитанинг айтишича, унинг ўрнида Украина қаҳрамонлари — Карпатортидаги 128-штурмчи бригада жангчилари шарафига ёдгорлик ўрнатилиши мумкин.
Serhii Hudak / Укринформ / ZUMA Press Wire / Scanpix / LETA}

^{Украина Давлат фавқулодда вазиятлар хизмати ходимлари демонтаж қилинган ҳайкални кўздан кечирмоқда.
Serhii Hudak / Reuters / Scanpix / LETA}
Шон Пенн Зеленскийга ўз «Оскар» ҳайкалчасини туҳфа этиши

^{Актёр Шон Пенн уруш бошланганидан буён учинчи бор Киевга келди. У Володимир Зеленский билан учрашди ва унга ўз «Оскар» ҳайкалчасини совға қилди — Пенн бутун фаолияти давомида икки бор қўлга киритган — «Сирли дарё» ва «Харви Милк» фильмларидаги роллари учун. Актёр совғани Украина ғалабасига умид ва ишонч рамзи деб атади. Бунга жавобан Зеленский ўзи фильмларда суратга тушган пайтлар «Оскар» унинг орзуси бўлганини айтди, шунингдек, Украина халқини қўллаб-қувватлагани учун Пеннни «Буюк хизматлари учун» ордени билан тақдирлади.
Украина президенти матбуот хизмати / EPA / Scanpix / LETA}
Киевда қоронғиликда ишлаётган Бессарабия бозори

^{Бессарабия бозори Киев марказида, шаҳарнинг асосий кўчаси ҳисобланган Крешчатика кўчасининг ғарбий четида жойлашган. Украина пойтахтида режали ўчиришлар давом этмоқда. Россия томонидан ёппасига ракета зарбалари берилиши оқибатида мамлакат энергетика инфратузилмаларининг 40 фоизи вайрон қилинган ёки шикастланган.
Bernat Armangue / AP / Scanpix / LETA}