Владимир Путиннинг уқаловчи шифокори бўлган нуфузли тадбиркор Константин Голошаповнинг ўғли Дмитрий Голошапов отасининг уйида ўтказилган тинтувдан уч кун ўтиб вафот этган.
11 ноябр куни Санкт-Петербургда Владимир Путиннинг ғазабига учраган шериги Виктор Черкесовнинг дафн маросими бўлиб ўтди. Маросимда ФСБ (Россия Федерал хавфсизлик хизмати) собиқ раҳбари Сергей Степашин ва губернатор Aлександр Беглов иштирок этди. Сўнгра Беглов Дмитрий Голошаповнинг қабрига гул қўйган.
Дмитрийнинг қабртошида вафот этган сана 2022 йил 25 июн, деб қайд этилган. Отаси Константин Голошапов томонидан катта фирибгарлик бўйича жиноий иш бўйича тинтувлар ўғлининг ўлимидан уч кун олдин, 22 июн куни бўлиб ўтган. Тадбиркор гумон қилинувчи деб номланмаган ва қидирувга берилмаган. Июн ойида тинтув ўтказилишидан олдин Константин Голошапов чет элга кетиб қайтиб келмаган.
Июн ойида Голошаповнинг ўғилларидан бири тинтув куни мамлакатни тарк этганини айтди. Бу Дмитрий бўлганми ёки йўқми аниқ эмас. Тадбиркорнинг олти фарзанди бор.
Унинг 29 ёшли ўғли Дмитрийнинг ўлими ҳолатлари ва жойи номаълум.
Санкт-Петербург матбуоти Константин Голошаповни шаҳардаги энг нуфузли тадбиркорлардан бири деб атайди. У Путиннинг Forbes рўйхатидаги дўстларининг яқин дўсти. 2018 йилда "Терговни бошқариш маркази" нашри “Путин ва Голошапов совет даврида биргаликда спорт билан шуғулланганида танишган”, деб тахмин қилган. Бўлажак тадбиркор Голошапов Путиннинг дўсти Aркадий Ротенбергнинг спорт клубига қатнаган. Айтилишича, у Тамбов уюшган жиноий гуруҳи раҳбари Владимир Кумарин (Барсуков) билан ҳам бирга шуғулланган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
