Владимир Зеленский Россия армиясини Херсонни босиб олиш вақтида 400 дан ортиқ ҳарбий жиноят содир этганликда айблади.
Аввалроқ Украина президенти чекинаётган қўшинлар асосий инфратузилмани вайрон қилгани, натижада шаҳарда сув, дори-дармон ва нон етишмаслиги сабабли оғир гуманитар вазият юзага келганини айтганди.
Расмийлар Херсоннинг энергия тизимини имкон қадар тезроқ тиклашга ваъда беришди, қолган ҳамма нарса, Зеленскийнинг сўзларига кўра, вақт талаб этади.
“Терговчилар аллақачон 400 дан ортиқ Россия ҳарбий жиноятларини ҳужжатлаштириб, тинч аҳоли ва аскарларнинг жасадларини топишди. Херсон вилоятида рус армияси мамлакатимизнинг бошқа ҳудудларидаги каби ваҳшийликларни ортда қолдириб, у ерга киришга муваффақ бўлди. Биз ҳар бир қотилни топиб, жавобгарликка тортамиз”, деган Украина президенти.
Босқинчи қўшинлар олиб чиқиб кетилганидан маҳаллий аҳоли енгиллашганига қарамай, рус армияси Херсон вилояти ҳудудининг қарийб 70 фоизини ҳамон назорат қилмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
