Афғонистонда 2023 йил мисли кўрилмаган қурғоқчилик авж олиши прогноз қилинди

^{Фото: Getty Images}
Save the Children ташкилоти Афғонистонда иқлим ўзгариши ортидан юзага келган иқтисодий инқироз ва қурғоқчилик оиласи қишлоқ хўжалиги билан шуғулланадиган 13,2 миллион боланинг ҳаётига таҳдид солишини маълум қилди. Бу ҳақда Hasht-e Subh Daily хабар берди.

Ташкилот эълон қилган ҳисоботга кўра, иқлим ўзгариши Афғонистондаги болаларнинг 70 фоизини турли муаммоларга, айниқса оғир меҳнатга дуч келган. Қишлоқ жойларида яшовчи 28 миллионга яқин аҳолини иқлим ўзгариши сабабли қишлоқ хўжалиги ва чорвачиликда жиддий муаммо кутмоқда.

Ҳисоботда қўшимча қилинишича, тўйиб овқатланмасликдан азият чекаётган болалар 2021 йилга нисбатан қарийб 50 фоизга ошган.

«Афғонистонда 2023 йил мисли кўрилмаган қурғоқчилик авж олиши башорат қилинмоқда. Ёзги сув тошқинлари 85 минг гектардан ортиқ ерни вайрон қилган, 85 мингдан ортиқ қорамол эса нобуд бўлган», дейди ташкилот. “Zamin”ни Telegram'да ўқинг!