Фото: «Argumenti.ru»
Россия президенти матбуот котиби Дмитрий Песков Донбассда Малайзиянинг Boeing самолёти уриб туширилгани бўйича Гаага судининг ҳукми «чуқур таҳлил»ни талаб қилишини айтди.
«Россия олиб борилаётган терговга киритилмаганидан афсусдамиз. Ишончимиз комилки, Россия томонининг бу жараёндан четлатилгани, камида терговнинг холислигига ҳисса қўшмаган. Суд қарорининг ўзига келсак, аввало чуқур таҳлил қилиш зарур», — дейди Песков.
17 ноябрда Нидерландия суди икки нафар россиялик Игорь Гиркин (Стрелков) ва Сергей Дубинскийни ҳамда украиналик Леонид Харченкони 2014 йил Malaysia Airlines йўловчи лайнерини ҳалокатга учратганликда айбдор деб топди. Ҳодисада 298 киши ҳалок бўлганди. Айбланувчиларга умрбод қамоқ жазоси тайинланди. Улар қурбонларнинг яқинларига камида 16 миллион евро товон пули тўлаши керак.
Суд 2014 йил июль ойида MH17 рейси «Бук» зенит-ракета тизими ёрдамида уриб туширилган деган хулосага келди. Ракета ўзини ўзи эълон қилган Донецк назорати остида бўлган Первомайск қишлоғи яқинидаги даладан учирилган. «Бук» Россия қуролли кучларининг Курскда жойлашган 53-ҳаво ҳужумидан мудофаа бригадасига тегишли бўлган. Терговда Игорь Стрелков «Бук»ни Донбассга етказишни буюргани, Дубинский ва Харченко эса уни ташиш билан шуғуллангани эълон қилинди.
Гаага суди 2014 йилда Малайзия «Boeing»и уриб туширилганда ўзини ўзи эълон қилган Донецк Россия назорати остида бўлганини алоҳида таъкидлади. Бу ҳудудда рус қуролларидан фойдаланилган, бундан ташқари рус қўшинлари Донбассда жанг қилган. Суд MH17 ҳалокатида «Бук» ҳаво мудофаа тизимидан фойдаланишни Россия билан бевосита алоқадор деб топмади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Испания ва Греция Киевга Patriot тизимларини етказиб беришдан бош тортди
Лукашенко Ғарбга таҳдид билан чиқди
“Толибон” Афғонистоннинг Хост вилоятида беш нафар фуқарони қамчи билан жазолади
Зоир Мирзаев “Телефонсиз мактаб”га 300 млн сўм мукофот берди
Германияда ишлаш истагида бўлган ўзбекистонлик мутахассислар учун немис тили ўргатилади
Учар автомобил йўловчи билан биринчи парвозини амалга оширди (видео)
Мария Захарова украиналикларни Америка ҳиндуларига ўхшатди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди