Фото: Gulagu.net
15 ноябр куни Gulagu.net асосчиси Владимир Осечкин Украинадаги урушда қатнашиб, Россияга қайтган ва мамлакатдан қочишга қарор қилган ҳарбий хизматчи Россиядан Испанияга олиб кетилгани ҳақида хабар берди. 27 ёшли Никита Чибрин 64-алоҳида мотоўқчи бригада сафида Россия босқинида иштирок этган - бу Киев атрофида ҳарбий жиноятлар содир этишда айбланган бригададир. Унинг сўзларига кўра, Украинада эканида бирор марта ўқ узмаган. The Guardian газетаси ундан интервью олди.
Никита Чибрин Россия армиясига 2021 йилда молиявий қийинчиликлар туфайли ёзилганини айтади. У ўшанда қандайдир урушда қатнашишга тўғри келиши ҳақида ўйламаган. 2022 йил 24 февралида эса у таркибида бўлган 64-алоҳида мотоўқчилар бригадаси Украинага кириб келган, кейинроқ бу бригада Бучада тинч аҳолини қирғин қилишда айбланди. «Биз Украинада жанг қилишимиз кераклигини билмасдик. Ҳаммамизни алдашди», — дейди у.
Чибриннинг ўзи айтишича, босқиннинг илк кунидаёқ у командирига жанг қилишни истамаслигини айтган. Аввалига уни қамоқ билан қўрқитишган, аммо кейинроқ қўмондонлик уни армия механиги лавозимидан бўшатган ва «юкловчи ва тозаловчи» сифатида ишлатган.
Урушнинг илк ойини Чибрин кейинчалик россиялик аскарлар томонидан ҳарбий жиноятлар содир этилганига оид кўплаб далиллар топилган Буча ва Андреевка ўртасидаги Липовка қишлоғида ўтказган.
Чибрин бирор марта қотиллик ёки зўрлаш ҳолатларига гувоҳ бўлмаганини, аммо сафдошлари бу мавзуларни муҳокама қилишганини эшитганини айтади. Шу билан бирга, у ўз кўзи билан кўрган талончилик ҳолатлари ҳақида гапириб берган: «Улар барча нарсани ўғирлашарди. Кир ювиш машиналари, электроника, барини».
Киев областидан чекинилгач, Чибриннинг бўлинмаси Изюмга яқин масофада бўлган Бугаевка қишлоғига юборилади. Чибрин у ва кўплаб сафдошлари армиядан бўшашга ҳаракат қилганини, аммо офицерлар қочмоқчи бўлганларни отиб ташлашни ваъда қилишганини айтади.
16 июн куни Чибрин қисмдан қочишга муваффақ бўлган. У Россияга қайтаётган юк машинасига чиқиб олиб, яширинган. The Guardian хабарига кўра, у тахминан шу вақтда Украинадаги ҳарбий ҳаракатларда иштирок этишдан бош тортган ҳарбийларга ёрдам берувчи адвокат, «Военный омбудсмен» лойиҳаси раҳбари Максим Гребенюк билан боғланган.
Чибрин кейинроқ Испанияга келишга муваффақ бўлган, бу ерда у сиёсий бошпана сўраган. Газета маълумотларига кўра, уни Мадрид аэропортидаги иммиграция марказидан чиқаришган ва яқин вақтлар ичида у қочқинлар учун вақтинча лагерга ўтказилади.
Чибрин газетага халқаро судда кўрсатма беришни жуда хоҳлашини айтади: «Бу Россия бошлаган жиноий уруш. Мен у тўхташи учун қўлимдан келган ишни қилишни истайман», — деган у. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Германияда ишлаш истагида бўлган ўзбекистонлик мутахассислар учун немис тили ўргатилади
Зоир Мирзаев “Телефонсиз мактаб”га 300 млн сўм мукофот берди
Испания ва Греция Киевга Patriot тизимларини етказиб беришдан бош тортди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Учар автомобил йўловчи билан биринчи парвозини амалга оширди (видео)
Мария Захарова украиналикларни Америка ҳиндуларига ўхшатди
