Украина президенти Москванинг бундан кўзлаган мақсадини маълум қилди.
Россия тинчликка эмас, қисқа муддатли ярашувга интилмоқда. Владимир Зеленскийнинг фикрича, бундан кўзланган мақсад қўшинларнинг бироз муддат тин олишини таъминлашдан иборат.
РФ расмийлари бир неча бор ҳеч қандай олдиндан шартларсиз музокараларни бошлашга тайёрлигини айтганди.
«Россия бироз хордиқ чиқариш учун қисқа муддатли ярашувга интиляпти. Кимдир буни урушнинг якуни дейиши мумкин, аммо бу каби танаффуслар вазиятни янада ёмонлаштиради», – деган Украина раҳбари.
Жаноб Зеленскийнинг фикрича, ҳақиқий ва узоқ муддатли тинчликка фақатгина Россия агрессиясига тўлиқ барҳам берилгандагина эришиш мумкин.
Бундан олдин Вашингтон Киевнинг ўзи тинчлик музокаралари бошлаши мумкинлигини, бу борада унга ҳеч қандай босим ўтказилмаслигини маълум қилганди. АҚШ қуролли кучлари штаб бошлиқлари қўмитаси раҳбари Марк Милли ҳафта ошида украиналиклар жанг майдонида катта муваффақиятга эришганини, аммо руслар ҳамон мамлакат ҳудудининг 20 фоизини назорат қилаётганини айтганди. Генерал украин армияси россияликларни яқин орада сиқиб чиқаришига шубҳа билдирган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
