Буюк Британия бош вазири Риши Сунак 19 ноябрь куни Киевга келди ва Украина президенти Владимир Зеленский билан учрашди.
Ташриф натижасида Буюк Британия Украинага 125 та зенит қуроллари, ўнлаб радарлар, шунингдек, ҳужумчи дронларга қарши электрон уруш ускуналарини топшириши маълум қилинди, дея хабар беради Британия бош вазири идораси. 50 миллион фунт стерлинглик ҳаво ҳужумидан мудофаа воситалари берилмоқда, бироқ бош вазирлик идораси улар қандай қуроллар эканлигига аниқлик киритмаган.
Шунингдек, хабарда айтилишича, Сунак ва Зеленский уруш тугаганидан кейин мамлакатни «қайта қуриш режалари»ни муҳокама қилган.
“Украиналиклар электр таъминотида кенг миқёсда узилишлар, уйлар, мактаблар ва касалхоналар вайрон бўлган жуда оғир қишни кутаётганини тан олиб, Бош вазир, шунингдек, Украинага Жаҳон озиқ-овқат дастури орқали 12 миллион фунт стерлинг, шунингдек, Халқаро миграция ташкилоти дастурларидан Украинага 4 миллион фунт стерлинг ажратилишини тасдиқлади. Молиялаш генераторлар билан таъминлаш, уй-жой ва сув иншоотларини таъмирлаш ва кўчма тиббий клиникалар билан таъминлашга қаратилади. Буюк Британия, шунингдек, украиналик қўшинларга қаттиқ совуқ учун ўн минглаб қишки тўпламларни жўнатмоқда”, деган Британия бош вазирининг идораси.
“Буюк Британия Украина ҳукумати билан биргаликда Украинанинг муҳим инфратузилмасини қайта тиклашга ёрдам берадиган дастлабки саккизта қурилиш лойиҳасини ҳам аниқлади. Лойиҳалар олтита кўприк ва иккита турар-жой биносини, жумладан, Буча шаҳрида 2250 кишига мўлжалланган турар-жой мажмуасини ўз ичига олади”, дейилади хабарда.
«Украинани принципиал қўллаб-қувватлаш ва музокаралардаги максимал конструктивлик учун раҳмат», — деб ёзган Зеленский учрашувдан кейин.
Сунак ўз навбатида инглиз ва украин тилларида “Британия озодлик учун курашиш нимани англатишини билади. Биз охиригача сиз биланмиз!" – деб ёзган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
