Францияда мусулмон аёлни ресторанга киритмаган шахс жаримага тортилди

Франция суди мамлакатнинг жануби-ғарбидаги ресторанларнинг бирига ҳижобда бўлган мусулмон аёлга киришни тақиқлагани учун ресторан эгасини жаримага тортди.

Басклар минтақасидаги Баённа шаҳар суди 64 ёшли ресторан эгаси мижоздан рўмолини ечишни сўрагани учун диний камситишда айбдор деб топди.

Воқеа июл ойида оналар куни муносабати билан мусулмон аёл ўғли билан кечки овқат учун ресторанга борганида содир бўлган.

Воқеадан олинган кадрларда она ва ўғилнинг ресторан эшигига яқинлашаётгани кўринади. Ресторан раҳбари бўлган аёл эса, мусулмон аёлнинг рўмолини “ўрта асрлардан қолган” деб икки мижозни киритмаслигини айтган.

Бўйнига диний рамз, хоч тақиб олган ресторан эгаси мусулмон аёлга “рўмол аёлларни бўйсундириш қуроли” эканлигини айтган, кейин эса унинг ичкарига киришига рухсат бермаган.

Эътироздан ҳайратда қолганини билдирган мижоз полиция бўлимига бориб, уларни камситишганини айтиб, ариза билан мурожаат қилган.

Францияда мусулмонларга қарши жорий қилинган қонунлар ортидан, рўмол ўраган аёллар, мусулмонлар ва исломий муассасалар ҳамда масжидларга қарши исломофобик ва камситувчи ҳужумлар кўпайди, шунингдек, мусулмонларга қарши ирқчилик ҳужумлари кучайди.

Яқинда Гренобл муниципалитетининг мамлакатнинг жамоат пляжлари ва бассейнларида ёпиқ сузиш либосларини кийишга рухсат бериш ҳақидаги қарорини ички ишлар вазири Жералд Дарманин кўрсатмаси билан суд таъқиқланган эди. “Замин” янгиликларини “Telegram”да кузатиб боринг