Шимолий Кореяда янги туғилган чақалоқларга ватанпарварлик руҳидаги ёки инқилобий маънога эга бўлган исмлар қўйилиши тобора кўпайиб бормоқда, деб ёзади Daily Mail.
Агар корейс тилидан "Севимли" ёки "Чиройли" деб таржима қилинган олдинги исмлар машҳур бўлса, энди эса жиддийроқ эшитиладиган исмлар урфга кирди.
Шимолий Кореяликлар ўз фарзандларига Чунг Сим (содиқлик), Чонг Ил (тўппонча), Пок Ил (бомба) ёки Уи Сонг (сунъий йўлдош) каби мафкуравий ва ҳатто милитаристик маънога эга бўлган ватанпарварлик исмларини бериш одат тусига кирган.
Бунинг бир неча сабаблари бўлиши мумкин. Биринчидан, расмий Пхеньян сўнгги йилларда очиқлик сиёсатидан воз кечган ва ташқи дунё билан деярли барча алоқаларни тўлиқ узган. Шунингдек, унли ҳарфлар билан тугайдиган исмлар КХДР билан урушаётган ва ҳар томонлама узоқлашган Жанубий Кореяда жуда машҳур эканлиги маълум.
Аммо сўнгги пайтларда Шимолий Корея расмийлари бу тенденцияни чеклаб, болаларнинг исмлари етарлича «инқилобий» бўлмаса, кўпроқ мафкуравий исмларга ўзгартирилишини талаб қилмоқда.
“Ўтган ойдан бери аҳоли йиғилишида… охирида ундошларсиз барча исмларни тўғрилаш тўғрисида доимий равишда билдиришномалар чиқарилмоқда. Якуни ундошга эга бўлмаган исмли одамлар инқилобий стандартларга жавоб бериш учун йил охиригача ўз исмларига сиёсий маъно қўшишлари керак”, деган ОАВ манбаси.
Қайд этилишича, ҳукумат сиёсий аҳамиятга эга бўлган исмларни ишлатмаганларни жаримага тортиш билан таҳдид қилган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
