Украинага қарши уруш ва оммавий ҳарбий сафарбарлик Россия ҳудудида СССР парчаланганидан бери кузатилмаган даҳшатли эмиграция тўлқинини келтириб чиқарди.
2022 йилнинг 9 ойида 1,1 миллионга яқин одам мамлакатни тарк этган бўлиши мумкин. Альфа-Банкнинг Макроиқтисодий таҳлил маркази Россия иқтисодиёти таҳлилларида шундай рақамни келтирган.
Росстат маълумотларига кўра, учинчи чоракнинг ўзида хорижга чиқаётган фуқаролар сони 1,2 миллион кишидан 9,7 миллион кишига етган. Шу билан бирга, Қозоғистон ва Грузия чиқиб кетишлар сони ортишининг иккита асосий йўналиши бўлган, бу мамлакатларга чиқиб кетишлар сони мос равишда 1 миллион ва 400 минг нафарга ошган.
Эмиграциянинг биринчи тўлқини ҳисобга олинса, февраль ва март ойларида Россия иқтисодиёти 1,5 фоиз ишчи кучидан ажралган бўлиши мумкин, дея ҳисоблайди Альфа-Банк. Иқтисодий ривожланиш вазирлиги маълумотларига кўра, уларнинг сони тахминан 75 миллион киши атрофида.
Bloomberg Eсonomics иқтисодчилари йўқотишларни янада юқорироқ баҳолашмоқда. Россия эмиграция натижасида йил охирига қадар ишчи кучининг 2 фоизи ёки 1,5 миллион ва сафарбарлик ортидан 300 минг кишини йўқотиши мумкин. Бу иқтисодиётнинг потенциал ўсиш суръатини йилига 0,5% га камайтиради, бу эса урушдан олдинги паст даражадаги 1% нинг ярмига тенг, дея огоҳлантиради ВЕ вакиллари.
Урушдан ва ҳарбий хизматдан қочган руслар постсовет мамлакатларидан паноҳ топишган. Headhunter маълумотларига кўра, Россия фуқаролари томонидан Қозоғистонда иш қидириш бўйича эълонлар сони 81 фоизга, Грузия ва Ўзбекистонда 59 фоизга, Қирғизистонда 55 фоизга, Арманистонда 44 фоизга ошган.
Бу иқтисодиётда кадрлар етишмовчилигини келтириб чиқаради. Бугунги кунда саноатда мавжуд бўлган статистик маълумотларнинг тарихига назар ташланса (1993 йилдан бери) рекорд даражага етган, Гаидар институти сўрови шуни кўрсатдики: ҳар учинчи корхона ишчилар етишмаслигидан шикоят қилмоқда ва ҳар иккинчиси, ишлаб чиқаришни кўпайтиришга талаб ортиб борсада, бунинг имкони йўқлигини билдирмоқда.
Демографик кўрсаткичлар вазиятни янада оғирлаштиради. Россияда 20 ёшдан 24 ёшгача бўлган ёш гуруҳи 10 йил олдинги 12 миллион кишигага нисбатан ҳозир атиги 7 миллион кишидан иборат, дея таъкидлайди Headhunter таҳлилий бўлими раҳбари Наталя Данина.
"Бу даҳшатли рақамлар", дейди у. Бундан ташқари, кўпчилик стресс туфайли соғлиғида муаммоларга дуч келиши мумкин. Мамлакатда одам етишмовчилиги юзага келган” (Bloomberg иқтибоси).
Чет элга чиқиб кетаётган одамлар ўзлари билан пул олиб кетишади. Январь-сентябрь ойларида Россиядан камида 36 миллиард доллар чиқиб кетган, натижада жисмоний шахсларнинг хорижий банклардаги ҳисоб рақамларидаги маблағлари миқдори 66 миллиард долларга етган ва биринчи марта Россия Федерациясидаги валюта ҳисоб рақамларида сақланадиган суммадан (63 миллиард) ошиб кетган.
“Миграция оқими хусусий капитал билан бирга чиқиб кетади. Эътиборли жиҳати шундаки, миграция оқими ўрта синфнинг чиқиб кетишини акс эттиради”, — дейди Альфа Банк бош иқтисодчиси Наталя Орлова.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
