«Мелитопол Россия-Украина можаросининг навбатдаги фронтига айланиши мумкин» – New York Times

Украина армияси Запороже вилоятида ҳужум уюштиришга ҳаракат қилиши мумкин. Россия армияси истеҳкомларни қуриш учун бетон плиталар олиб кела бошлаган. Бу ҳақда New York Times газетаси ёзмоқда.

Нашрнинг эслатишича, куни кеча шаҳар яқинидаги кўприк портлатиб юборилган. Сўнгги пайтларда кўприк мунтазам ракета ҳужумлари ва саботажларга учраган.

Журналистларнинг хулосасига кўра, Мелитопол урушнинг навбатдаги асосий босқичига айланади, бу Украина жанубидаги рус қўшинларини қувиб чиқариш учун мўлжалланган бўлиши мумкин.

Мелитопол икки йирик магистралнинг кесишмасида жойлашганлиги ва Россияни ушбу ярим орол ва Украина жанубидаги бошқа ҳудудлар билан боғлайдиган муҳим темир йўл линияси бўлганлиги сабабли Қримга кириш эшиги сифатида танилган.

Мелитопол асосий транспорт маркази бўлиб, у устидан назоратни тиклаш Украинага нафақат бутун Запороже вилоятини, балки қўшни Херсоннинг қолган қисмини ҳам қайтариб олишга ёрдам бериши мумкин. “Замин” янгиликларини “Инстаграм”да кузатиб боринг