Шанба куни маҳаллий ОAВ маълумотларига кўра, Исроил фуқароси ядро қуроли учун ишлатиладиган махфий ҳарбий қисмларни AҚШдан Россияга олиб ўтишда айбланиб, ҳибсга олинди, деб хабар бермоқда Anadolu агентлиги.
Агентликнинг таъкидлашича, Брейман Ғарбнинг Украинадаги уруши сабабли Москвага киритган санкцияларини четлаб ўтиш учун Россияга қурол-яроғ олиб кириш билан шуғулланувчи халқаро жосуслик гуруҳининг аъзоси бўлган.
AҚШнинг CBS ахборот тармоғига кўра, Брейманнинг айблов хулосасида у “New Hampshire резиденциясидан махфий ҳарбий буюмлар ва экспорт назорати остидаги товарларни қайта қадоқлаш, уларни Европа ва Осиёдаги йўналиш пунктларига жўнатиш учун пост сифатида фойдаланган"эканлигини кўрсатади.
AҚШ Aдлия вазирлигига кўра, Исроил фуқароси ва унинг шериклари айбдор деб топилса, 30 йилгача озодликдан маҳрум этилиши мумкин.
Россия Украинага қарши ҳарбий ҳаракатларини шу йил бошида бошлаб, мамлакатнинг шарқий ҳудудларининг катта қисмини эгаллади. Шунингдек, бу ҳарбий ҳаракатлар натижасида AҚШ ва Европа Москвага қарши иқтисодий санкциялар жорий этди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
