Фото: AP
АҚШ президенти Жо Байден Украина президенти Владимир Зеленскийни Вашингтонга таклиф қилди, чунки у Украинадаги уруш янги босқичга чиқди деб ҳисобламоқда. Бу ҳақда Миллий хавфсизлик кенгашининг стратегик коммуникациялар бўйича координатори Жон Кирби CNN телеканалига гапириб берди.
«Президентнинг фикрича, қиш яқинлашар экан, уруш янги босқичга қадам қўймоқда. Демак, икки етакчи юзма-юз ўтириб гаплашиши учун вақт келди», — деди Кирби.
Музокараларда АҚШ ҳарбий ва иқтисодий ёрдами, шунингдек, Украина халқини қўллаб-қувватлаш ва Россияга қарши санкцияларни сақлаб қолиш масалалари кўриб чиқилиши кутилмоқда. Шунингдек, президентлар уруш қандай якунланишини ҳам муҳокама қилади.
«Путинни дипломатия қизиқтирмаслиги аниқ, - деди Кирби. - Аксинча. У кўпроқ украиналик тинч аҳолини ўлдиришдан манфаатдор».
Кирбининг қўшимча қилишича, Зеленский Украинани тарк этиши оқибатидаги хатарлардан хабардор ва АҚШ унинг сафарини хавфсиз қилиш учун ҳаракат қилмоқда.
CNN Зеленскийнинг ташриф режасини ҳам эълон қилди: Байден билан учрашув, Байден билан икки томонлама учрашув, Байден билан матбуот анжумани, Нэнси Пелоси билан учрашув, Конгресснинг умумий йиғилишидаги нутқ.
Зеленскийнинг ташрифи чоғида Байден Украинага Patriot, шунингдек, NASAMS ва HAWK ракета комплексларини, Stingers ракетага қарши комплексларни ўз ичига олган деярли 2 миллиард долларлик янги ёрдам пакетини эълон қилиши кутилмоқда. Йиғилишда Украинага 40 миллиард доллардан ортиқ миқдорда молиявий ёрдамнинг навбатдаги пакети эълон қилинади.
Зеленский Россия босқини бошланганидан бери биринчи марта Украинани тарк этди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
