Украинадаги урушнинг 303-куни: Мариуполдаги бомбардимон қилинган театр, Бахмутдаги ёнғинлар (фото)

Украинадаги урушнинг 303-кунидаги асосий маълумотлар:

Россияликлар ва беларуслар Bank оf Georgia банкидаги ўз ҳисоблари блоклангани ҳақида хабар ола бошлашди.
Россияликлар ва беларуслар Bank оf Georgia банкидаги ўз ҳисоблари блоклангани ҳақида хабар ола бошлашди.
Киевда электр энергиясини тежаш мақсадида троллейбуслар ва трамвайлар ҳаракати тўхтатилди. Энди барча жамоат транспорти йўналишларида фақат автобуслар қатнайди.
АҚШ Сенати кейинги йил учун бюджетни маъқуллади. У Украинадаги уруш билан боғлиқ харажатлар учун 45 миллиард доллар ажратишни кўзда тутади.
Мариуполда россияликлар авиазарбасидан вайрон бўлган драмтеатр «снос» қилинади.
УЕФА уруш бошидан буён илк бор Россияда турнир ўтказади.
ТАСС манбаси Россия ИИВ Украинадаги болаларни «чўктириш» ва «ёқиш»га чорлаган журналист Красовскийнинг сўзларида экстремизм бор-йўқлигини текширади.

Қуйида 23 декабр куни Украинанинг турли ҳудудларида олинган суратлар.

Истило остидаги Мариуполда драматик театр биноси бузиб ташланди

Мариупол шаҳрининг Украина томонидан тайинланган маъмурияти хабар қилишича, шаҳарнинг оккупацион ҳукумати Драма театри биносини бузиб ташламоқда. Урушнинг илк даврида кўплаб шаҳарликлар бошпана қилган ушбу бинога 16 март куни россияликлар авиабомбаси тушган (бу журналистлар ва ҳуқуқ ҳимоячилари текширувлари орқали ҳам тасдиқланган).

Шу вақтга қадар бу ҳодиса оқибатида қурбон бўлганларнинг аниқ сони маълум эмас — Украина ҳукумати 300 нафар атрофида одам қурбон бўлганини айтади, бу эса бу воқеани урушдаги энг кўп киши қурбон бўлган ҳолатга айлантиради. Россия ҳукумати бу ҳодисага қандайдир алоқаси борлигини рад этад этади.

^{Драма театри биноси фронтонида (бино фасадининг учбурчак шаклидаги томчаси бўлган тепа қисми) совет ишчилари ва деҳқонлари акс этган ҳайкалтарошлик композицияси. Фото: AP / Scanpix / LETA}

^{Оккупация ҳукумати театрни 2024 йил охирига қадар тиклашни режалаштирмоқда
Николай Тришин / ТАСС}

^{Николай Тришин / ТАСС}

^{Николай Тришин / ТАСС}
Лимандаги ҳаёт

^{Донецк областидаги Лиман шаҳрида яшовчи киши жанглар вақтида вайрон бўлган уйида. Май ойида шаҳар Россия армияси томонидан босиб олинганди. Украина қуролли кучлари куздаги қарши ҳужум давомида уни озод этди.
Sameer Al-Doumy / AFP / Scanpix / LETA}

^{Лиман аҳолиси вакили уйини иситишда фойдаланиш учун ўтин тўпламоқда.
Sameer Al-Doumy / AFP / Scanpix / LETA}

^{Лиманда вайрон бўлган яна бир уй. Украина томонига кўра, Россия қўшини шаҳардан кетгач, бу ерни ўққа тутмоқда
Sameer Al-Doumy / AFP / Scanpix / LETA}
Херсон областининг Александровка қишлоғидаги вайронгарчиликлар

^{Херсон области шимолидаги Александровка қишлоғидаги турар жой. Ноябр ойида етти ойлик оккупациядан кейин Александровка Украина назоратига қайтганди.
Dimitar Dilkoff / AFP / Scanpix / LETA}

^{Александровкада яшовчи аёл ўз уйини йиғиштирмоқда. Бу қишлоқ Днепр кўрфази бўйида жойлашган. Қишлоқ устидан назорат ўрнатиш учун жанглар, Украина томонига кўра, апрел ойи давомида олиб борилган. Бу жанглардан кейин қишлоқда бирорта бутун турар жой биноси қолмаган, яшовчиларнинг аксар қисми бу ерни тарк этган.
Dimitar Dilkoff / AFP / Scanpix / LETA}

^{Александровкадаги маданият уйи атрофида итларини сайр қилдираётган киши
Dimitar Dilkoff / AFP / Scanpix / LETA}

^{Александровкада вайрон бўлган қишлоқ
Dimitar Dilkoff / AFP / Scanpix / LETA}
Бахмутда ишлаётган ўт ўчирувчилар

Бахмутда (Донецк области) шу кунларда энг оғир жанглар кетмоқда, унинг иштирокчилари бу жангларга аллақачон «Бахмут гўштқиймалагичи» номини берган. Якунланган ҳафтада Бахмутга Украина президенти Володимир Зеленский ташриф буюрди. У шаҳар мудофааси иштирокчиларини тақдирлади.

^{Бу фотосуратда украиналик ўт ўчирувчилар россияликларнинг зарбалари оқибатида чиққан ёнғинни ўчириш учун сув йиғмоқда
Diego Herrera Carcedo / Anadolu Agency / ABACAPRESS / ddp images / Vida Press}

^{Шаҳар учун тўхтовсиз жангларга қарамай, Бахмутда тинч аҳоли вакиллари яшашда давом этмоқда
Diego Herrera Carcedo / Anadolu Agency / ABACAPRESS / ddp images / Vida Press}

^{Diego Herrera Carcedo / Anadolu Agency / ABACAPRESS / ddp images / Vida Press}

^{Бахмутда ёнаётган бино
Diego Herrera Carcedo / Anadolu Agency / ABACAPRESS / ddp images / Vida Press}
Краматорск ўққа тутилиши оқибатлари

^{Донецк областининг Краматорск шаҳрида россияликлар зарбасидан кейинги вазият. Украина ҳукумати вакилларига кўра, россияликларнинг ракеталаридан бири мактаб-интернат биносига, бошқаси — шаҳардаги корхона ҳудудига тушган. Қурбонлар ҳақида маълумот йўқ.
Sameer Al-Doumy / AFP / Scanpix / LETA}

^{Краматорск аҳолиси вакили отишма вақтида шикастланган квартирасидан дераза синиқларини чиқариб ташламоқда
Oleksandr Ratushniak / Reuters / Scanpix / LETA}

Манба: Kun.uz

Янгиликлар