20:48 / 30.12.2022

Туркияда ресторан портлади, етти киши ҳалок бўлган (фото ва видео)

^{Фото: TRT Haber}
Бугун, 30 декабр куни Туркиянинг ғарбидаги Айдин шаҳрида (шу номдаги вилоят маркази) жойлашган ресторанда портлаш юз берди.

^{Фото: Cumhuriyet}

Anadolu Ajansı вилоят раҳбарига асосланиб хабар беришича, фожиа оқибатида камида етти инсон ҳаётдан кўз юмган. Дастлабки маълумотларга кўра, 4 киши жароҳатланган.

Портлаш вақтида ресторанда 20 киши бўлган, ресторандаги икки киши бинонинг иккинчи қаватидан сакраган.

^{Фото: Cumhuriyet}

Воқеа жойида фавқулодда хизмат ходимлари иш олиб боряпти. Ҳодиса сабаби ва жабрланганлар сонига аниқлик киритилмоқда.

^{Фото: Cumhuriyet}

^{Фото: Cumhuriyet}
Воқеа акс этган кадрларда портлаш кучли бўлгани ва бинога жиддий зарар етказганини кўриш мумкин. Ҳодиса жойида махсус хизматлар ишламоқда, шифокорлар жароҳатланганларга ёрдам бермоқда.