Германияда ички разведка учун масъул Конституцияни ҳимоя қилиш ташкилоти раҳбари Томас Халденванг Россиянинг Германиядаги разведка фаолиятига қизиқиши янада ортганини айтди.
"Россиянинг Германияга бўлган разведка хизматларига бўлган қизиқиши нафақат доимий, балки (Украинадаги) уруш оқибатлари давом этар экан, яна ҳам ортиб бормоқда", деди Холденванг Германиянинг DPA ахборот агентлигига.
Яқинда ҳибсга олинган Германияда ташқи разведка учун масъул бўлган Федерал разведка хизматининг (BND) руслар тарафига ишлаётган агентига ишора қилиб: "Мазкур иш Россиянинг жосуслик фаолияти хавфи қанчалик реал эканлигини ҳам кўрсатмоқда", деди Холденванг.
Халденванг Украинага қарши урушидан сўнг Германия ҳукумати Берлиндаги Россия элчихонасининг 40 нафар ходимини "персона нон грата", деб эълон қилганини эслатди ва Москва йўқотилган разведка салоҳиятини ёки кўпроқ “мобил агентлар” ёки бошқа воситалар орқали қоплашга ҳаракат қилаётганини қайд этди.
"Биз Россия разведка хизматлари билан боғлиқ бўлиши мумкин бўлган бошқа одамларнинг Германияга келишига йўл қўймаслик учун ҳаракат қиляпмиз. Айни шу мақсадда федерал ҳукумат виза қоидаларини кучайтирди”, дейди Халденванг.
Рус ва бошқа разведка хизматларининг жосуслик фаолиятини кучайтиришга тайёрланаётганини изоҳлаган Халденванг "Ўтмишда контрразведка соҳасида жуда кам иш қилганимиз ҳақидаги иддаоларни қатъиян рад этмоқчиман", деди.
Халденванг Хитойнинг Германияга қаратилган разведка фаолиятига ҳам эътибор қаратди. Шунингдек, у Эрон режимини танқид қилган эронликларни бу мамлакатга боришдан эҳтиёт бўлишга чақирди.
Халденвангга кўра, Туркияда ўтказиладиган сайловларнинг Германияга таъсир қилишини эътиборсиз қолдириб бўлмайди. Туркиядаги ички сиёсий курашлар сайлов туфайли Германияга ҳам кўчган, дея хулоса қилди у.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
