Германияда армияда хизмат қилишдан бош тортганлар деярли 5 бараварга ошди

^{Фото: Reuters}
Германия қуролли кучлари - Бундесверда 2022 йилда Украинадаги уруш фонида жанговар ҳаракатларда қатнашишдан бош тортганлиги сабабли ҳарбий хизматдан бўшаш тўғрисидаги аризалар сони деярли беш баравар ошди. Бу ҳақда 6 январь, жума куни Германия Оила, қариялар, аёллар ва ёшлар ишлари бўйича вазирлиги вакилига таяниб, RedaktionsNetzwerk Deutschland (RND) нашри хабар берди. Унинг маълумотларига кўра, ўтган йили 951 та шундай ариза берилган бўлса, 2021 йилда - 201 та.

Хизматни тарк этишни истаганларнинг кўпчилиги қуролли кучлар билан шартнома тузиш орқали ўз илтимосини оқлаган, улар уруш бошланиши - Россиянинг Украинага тўлиқ миқёсли ҳарбий бостириб кириши ва унинг кучайиши мумкинлигини кутмаган. ОАВ таъкидлашича, Германияда 2011 йилда умумий чақирув бекор қилинганидан кейин фақат Бундесверда хизмат қилаётган фуқаролар расман бош тортувчилар ҳисобланади.

Мутлақ маънода хизматдан бош тортувчилар сони оз бўлса-да, бу тенденция Бундесвер учун оғриқли, дейди RND таркибига кирувчи оммавий ахборот воситалари. Улар Германия қуролли кучлари малакали кадрларга муҳтожлигини ва уларнинг шахсий таркибини ҳозирги 183 минг кишидан 203 минг кишигача ошириш режалаштирилганини эсга олишди. Германия мудофаа вазири Кристин Ламбрехт ҳам Бундесвернинг «кўпроқ малакали кадрларни ёллаш ва сақлаб қолиш» ҳамда «ишдан бўшатиш даражасини янада камайтириш» зарурлиги ҳақида гапирди.

Украинада уруш бошланганидан кейин Insa институти томонидан ўтказилган сўров натижаларига кўра, респондентларнинг деярли ярми - 47 фоизи - ҳарбий хизматга чақириқни қайтариш тарафдори, респондентларнинг 34 фоизи бунга қарши, яна 19 фоизи жавоб беришдан бош тортди. «Замин»ни Telegram’да ўқинг!