Путин Рождествони Кремлда ёлғиз кутиб олди

^{Фото: Кремль матбуот хизмати}
Россия президенти Владимир Путин 7 январга ўтар кечаси Москва Кремлининг Благовешенск соборидаги Рождество ибодатига ташриф буюрди.

«Интерфакс» хабарига кўра, президент ибодатга ёлғиз келган, бошқа диндорлар бўлмаган. Путинни Сергеево-Посадский епархиясининг Клинский округи ибодатхоналари бош попи, иеромонах Иосиф кутиб олган.

Кремль матбуот хизмати томонидан эълон қилинган фотосуратларга қараганда, ибодатда бир нечта руҳонийлар қатнашган.

2022 йил январида ҳам Путин Рождествони ёлғиз — ўзининг Ново-Огарёводаги қароргоҳи ҳудудидаги бутхонада кутиб олганди. Ўшанда Кремль буни «эпидемиологик эҳтиёт чоралари» билан изоҳлаганди.

Ундан аввалги йилларда, масалан, 2019, 2020, 2021 йилларда ибодатга Путин билан бирга бошқа одамлар ҳам борганди.

«Интерфакс» маълумотларига кўра, бунгача Россия президенти Рождество чоғида Москвада қолиши билан боғлиқ ҳолат икки марта — 2000 ва 2001 йилларда кузатилган. «Замин»ни Telegram’да ўқинг!