Покистон Украинага қурол-яроғ юбормоқда: Украина ҚК 155-мм снарядларни қўлга киритади

^{Фото: AFP}
Покистон Украина учун мўлжалланган ўқ-дорилардан иборат 159 та контейнерни Карачи портидан Польшадаги Гданьск портига юборишни режалаштирмоқда, деб хабар бермоқда Firstpost.

Vesuvius кемаси 155 миллиметрли снарядларни, М4А2 зарядлари, М82 артиллерия капсулалари ва PDM портлатувчиларини олиб келади. Уларни Исломободнинг DMI Associates қурол етказувчиси Шарқий Европадаги мудофаа фирмалари билан ҳамкорликда тақдим этади.

Покистон ва Украина мудофаа соҳасида 1991 йилдан буён яқин алоқаларни сақлаб келмоқда. Ўша вақтдан 2020 йилга қадар Киев Исломободга қарийб 1,6 миллиард долларлик қурол-яроғларни, шу жумладан, танклар ва хизмат кўрсатиш тизимларини сотган. Покистон ўзининг Т-80УД танклари паркини таъмирлаш ва техник хизмат кўрсатиш бўйича Украина билан 85,6 миллион долларга битим имзолаган. “Замин” янгиликларини “Telegram”да кузатиб боринг