Кеча, 11 январь куни ерталаб АҚШнинг Иллинойс штатининг Ла-Салл шаҳридаги Carus Chemical кимё заводида ёнғин содир бўлди. Бу ҳақда NBC Чикаго маҳаллий полицияга таяниб хабар бермоқда.
Ла-Салл полициясига кўра, чоршанба куни эрталаб соат 9:00 ларда Чикагодан 80 мил жануби-ғарбда жойлашган Ла-Салл шаҳридаги 1500 8-кўчасида жойлашган Carus Chemical кимё заводининг юк ташиш бўлимида юк контейнерида портлаш содир бўлган.
Завод оқава сувларни тозалаш иншоотларида ишлатиладиган кимёвий моддалар ишлаб чиқаради. Эҳтиёт чораси сифатида маҳаллий аҳолидан уйларида қолишлари сўралади, расмийлар эвакуация ҳақида эълон қилмаган.
Сўнгги маълумотларга кўра, ўчириш ишлари давом этмоқда. Воқеа жойида ўт ўчирувчилардан ташқари тез ёрдам машиналари ҳам бор.
Маҳаллий ҳокимият ходимлари ходимларни эвакуация қилишга муваффақ бўлганини хабар қилмоқда. Қурбонлар ҳақида маълумотлар йўқ. Ҳодиса сабаблари ҳозирча номаълум.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
