00:13 / 21.01.2023

Украинада урушнинг 330-куни: Қамалдаги Бахмут ва муз ичига тушаётган аскарлар (фото)

Украинада урушнинг 330-куни ўтди. Асосий маълумотлар:

Европарламент Владимир Путин, шунингдек Россия ва Беларус олий раҳбарияти учун махсус ҳарбий трибунал ташкил этишни ёқлаб овоз берди. Евродепутатларнинг 472 нафари овоз беришда «ҳа» тугмасини босган, 19 депутат қарши чиққан. Аммо Европарламент резолюцияси мажбурий юридик кучга эга эмас;
Евгений Пригожин «Вагнер» ёлланма жангчилари Бахмут атрофидаги Клешчиевка посёлкасини «тўлиқ назоратга олгани»ни айтди. Украина қуролли кучлари Бош штаби россияликларнинг бу ҳудудга ҳужумлари қайтарилганини маълум қилди;
Ижтимоий тармоқларда ва ОАВда Москвадаги бинолар томларида ҳарбий техникалар жойлаштирилгани акс этган фото ва видеолар пайдо бўлди. Улар қаторида — «Панцирь-С1» зенит-ракета комплекси РФ мудофаа вазирлиги биноси томига ўрнатилганини кўриш мумкин. Москва расмийлари ва РФ мудофаа вазирлиги бу хабарларга изоҳ бермади;
Эрон Украинанинг аннексия қилинган ҳудудлари, жумладан Қримни Россияники деб тан олишдан бош тортди. Шу билан бирга, Украина қуролли кучлари маълумотига кўра, Эроннинг Shahed 136 ва Shahed 131 дронларининг сўнгги партияси Россияга декабр ойида келган бўлиши мумкин.

Бахмутдаги ҳаёт

Украиналик ҳарбийлар россияликларнинг Бахмутга 2022 йил июлидан буён давом этаётган ҳужумларини тўхтатиб турибди. 19 январ куни «Вагнер» хусусий ҳарбий компанияси раҳбари Евгений Пригожин Бахмутдан 5 километр жанубда жойлашган Клешчиевка посёлкаси эгалланганини хабар қилди. Украина томони ушбу аҳоли яшаш манзили бой берилганини тасдиқламаган. Украина қуролли кучлари бош штабининг 19 январ кунги сводкасида россияликларнинг ушбу қишлоққа ҳужуми қайтарилгани маълум қилинган. Қуйида қамал ҳолатидаги Бахмут шаҳридаги ҳаёт акс этган суратлар.

^{Украиналик жангчи фойдаланишдан олинган ва ёдгорликка айлантирилган қирувчи самолёт учига Украина байроғини илмоқда
Oleksandr Ratushniak / Reuters / Scanpix / LETA}

^{Бахмутдаги кўчалардан бирида украин ҳарбий техникаси ёнидан ўтаётган тинч аҳоли вакили
Spencer Platt / Getty Images}

^{Ибодатхона фонида йўл белгисига мустаҳкамланган Украина байроғи
Oleg Petrasyuk / EPA / Scanpix / LETA}

^{Осколка излари кўриниб турган машинада ўтирган бахмутлик аёл
Oleg Petrasyuk / EPA / Scanpix / LETA}

^{Бахмутнинг марказий кўчаларидан бирида ёниб кетган уй деворида акс этган Украина қуролли кучлари бош қўмондони Валерий Залужнийнинг портрети ва «Бахмут любит Украину» («Бахмут Украинани севади») ёзуви
Oleg Petrasyuk / EPA / Scanpix / LETA}

^{Oleg Petrasyuk / EPA / Scanpix / LETA}
Часив Яр ўққа тутилиши оқибатлари

Часив Яр шаҳри Бахмутдан тахминан 20 километр ғарбда жойлашган. 16 январ куни Россия қўшини Часив Ярни ўққа тутди, мактаб биноси ва яна бир қанча уйлар вайрон бўлди. Ҳужум вақтида ҳеч ким жабрланмаган. Қуйида воқеа жойида ишлаётган украиналик қутқарувчилар суратлари.

^{Diego Herrera Carcedo / Anadolu Agency / ABACAPRESS / ddp images / Vida Press}

^{Diego Herrera Carcedo / Anadolu Agency / ABACAPRESS / ddp images / Vida Press}
Луҳанск областида россияликлар вертолёти

^{Alexander Ermochenko / Reuters / Scanpix / LETA}
Фронтнинг икки томонида Чўқинтириш куни

^{Мариуполдаги Таганрог бўғози соҳилида Чўқинтириш кунида чўмилаётган киши. Ҳарорат — плюс 5 даража
Николай Тришин / ТАСС}

^{Православ руҳонийси Луҳанскдан тахминан 40 километр жануби-ғарбда жойлашган, «ЛХР» назоратидаги Алчевск шаҳри ибодатхонасида маросим ўтказмоқда.
Alexander Ermochenko / Reuters / Scanpix / LETA}

^{Донецкдан тахминан 120 километр шимолда жойлашган, Киев назоратида қолаётган Словянск шаҳрида муз тешигига тушаётган украиналик ҳарбий. Фото: Oleksandr Ratushniak / Reuters / Scanpix / LETA}