Фото: Ижтимоий тармоқлар
Норвегияга қочиб кетган "Вагнер" ХҲК бўлимининг собиқ қўмондони Андрей Медведев полиция томонидан қўлга олинди. Бу ҳақда Норвегия оммавий ахборот воситалари ва унинг адвокати хабар берди.
Норвегияга қочиб кетган "Вагнер" ХҲК бўлинмаси собиқ қўмондони Андрей Медведев миграция қонунига биноан полиция томонидан қўлга олинди. Бу ҳақда 23 январь, душанба куни Норвегиянинг NRK медиакомпанияси иммиграция полицияси хизмати юридик бўлими раҳбари вазифасини бажарувчи Йон Андреас Йохансенга таяниб хабар бермоқда.
22 январь оқшомида ўз мижозининг қўлга олингани фактини Медведевнинг норвегиялик адвокати Брюньульф Риснес ҳам тасдиқлади. Унинг сўзларига кўра, бу қадамга собиқ вагнерчининг ўзига юкланган барча хавфсизлик чораларига риоя қилишдан бош тортгани сабаб бўлган. NRK маълумотларига кўра, Андрей Медведев бир муддат Осло яқинидаги махфий манзилда яшаган, кейинроқ Трандумдаги депортация марказига кўчирилган.
Медведев 13 январга ўтар кечаси Россиядан Норвегияга қочиб кетган. Скандинавия давлатида у сиёсий бошпана сўради ҳамда "Вагнер" ХҲК эгаси Евгений Пригожин ва ёлланма ташкилотнинг ўзига қарши кўрсатма берди.
16 январь куни Норвегия Иммиграция бошқармаси (UDI) Медведев мамлакатдан сиёсий бошпана сўраганини тасдиқлади. Шу куни, 16 январь куни Gulagu.net портали асосчиси Владимир Осечкин «DW Новости Шоу» дастурида ўзи ва унинг ҳуқуқ ҳимоячилари Андрей Медведевнинг қочишига қандай ёрдам бергани ҳақида гапириб берди.
Медведев ёлланма иш пайтида ҳарбий жиноятчига айланган деган тахмин ҳақида гапирар экан, Осечкин шундай деди: "Маданиятли одамлар сифатида биз суд ва трибуналнинг қарорисиз одамни ҳарбий жиноятчи деб атай олмаймиз".
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
