Швеция ҳукумати пойтахт Стокҳолмда Қуръон нусхасини ёқиш ҳаракатига нисбатан чора кўриши керак. Бу ҳақда Еврокомиссия вакили Йоханнес Барке маълум қилди.
Унинг сўзларига кўра, бундай ҳаракатлар Европа Иттифоқи асос солган қадриятларга мос келмайди.
“Биз бир неча бор таъкидлаганимиздек, ирқчилик, ксенофобия, ирқий ва диний нафратга Европа Иттифоқида ўрин йўқ. Бу Швеция расмийлари қарор қабул қилиши ва чора кўриши керак бўлган масала”, деди Барке Брюсселда Европа Иттифоқи вакиллари билан бўлиб ўтган брифингида.
Швеция ҳукумати томонидан Қуръонни таҳқирлаш ҳаракатини амалга оширишга рухсат берилгани дунёдаги кўплаб мусумонларнинг норозилигига сабаб бўлди.
Таъкидлаш керак, “сўз эркинлиги муҳимроқ” дея жар солаётган кўпчилик Европа давлатларида яҳудийлар қирғин этилган, дея уқдирилувчи Ҳолокост воқеаларига ишонмаслик ва буни ошкор билдириш жиноий жавобгарликка сабаб бўлади. Бундай ҳолатда “сўз эркинлиги” инобатга олинмайди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
