Роналдуга ўзбекистонлик тадбиркорнинг машҳур брендга эга соати совға қилинди (фото)

Португалиялик футболчи Криштиану Роналду қимматбаҳо совғани қабул қилиб олди. Унга қуйидаги расмда акс этган ажойиб соатни "Jacob & Co" бренди топширган.

"The Sun" нашрининг хабар беришича, соатнинг нархи 630 минг фунт стерлингга тенг. У яшил рангда бўлиб, Криштианунинг Саудияга кўчиб ўтгани муносабати билан шу рангда ишлаб чиқарилган.

Маълумот ўрнида, "Jacob & Co" бренди асосчиси ўзбекистонлик Жейкоб Арабо (асл исм-фамилияси Ёқуб Арабов) ҳисобланади.