Германияда прокуратура ва разведка декабрь ойида ҳибсга олинган ва Россия фойдасига жосуслик қилишда айбланган БНД махсус хизмати ходимининг шериги деб ҳисоблаган эркак давлатга хиёнат қилишда гумонланиб ҳибсга олинди.
Немис прокуратураси пайшанба куни исмини «Артур Э.» деб айтган Германия фуқароси якшанба куни Мюнхен аэропортида Америка Қўшма Штатларидан келганида ҳибсга олинганини эълон қилди.
Тергов маълумотларига кўра, Артур Э. россияликларнинг декабрь ойида ҳибсга олинган ва Россияга махфий маълумотларни узатишда айбланган Германия БНД разведка хизмати ходими Карстен Л. билан алоқаларида оралиқ бўғин бўлган. Артур Э., прокуратура маълумотларига кўра, бу маълумотни Л. Карстендан олган ва уни русларга узатган.
Артур Э.нинг ўзи махсус хизматлар ходими эмас.
Немис ҳуқуқ-тартибот идоралари ва разведкаси Америка Федерал қидирув бюроси ёрдамида унинг изига тушиб, ҳибсга олган.
Германияда сўнгги пайтларда, Россия Украинага бостириб кирганидан сўнг, Европада рус жосусларининг фаоллиги ва уларнинг Германия махфий маълумотларига қизиқиши кучайгани ҳақида кўп айтилди ва ёзилди.
Ўтган йилнинг октябрь ойида Германиянинг Ахборот хавфсизлиги федерал бюроси раҳбари Арне Шёнбом ишдан бўшатилди, уни ZDF телеканали журналистлари Россия махсус хизматларига доир шахслар билан алоқада бўлганликда айблади. Шёнбонг давлат лавозимига тайинланишидан олдин Германиянинг киберхавфсизлик кенгашини бошқарган ва журналистлар маълум қилганидек, яқин вақтгача унинг таркибига Россия махсус хизматлари билан алоқадорликда гумон қилинган компания киритилган.
Ноябрь ойида 2014-2020 йилларда рус разведкасини маълумотлар билан таъминлаган Бундесвернинг истеъфодаги подполковниги, 65 ёшли Ралф Г. қўлга олинган эди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
