Mарсда номаълум жисм аниқланди. Унга “Какао” номи берилди (фото)

^{Фото: NASA}
Американинг Curiosity ровери Maрс юзасида бегона жисмни аниқлади. Унга “Какао” номи берилди. Маълум қилинишича, Curiosity аниқлаган жисмнинг узунлиги 30 сантиметрни ташкил қилади. Унинг таркиби асосан темир ва никелдан иборат.

^{Фото: MarsCuriosity}
Мутахассислар кейинчалик бу 90 фоиз темир ва 9 фоиз никелдан иборат тош эканини аниқлади. Ушбу таркибга эга объектлар темир метеоритлар деб аталади. Curiosity жамоаси Maрсдаги янги объектга “Какао” деб ном берган.

^{Фото: MarsCuriosity}
Илгари Maрсда арқон топилган эди. Предмет бегона ўсимликнинг илдизи бўлиши мумкин деб тахмин қилинган. Аммо кейинроқ бу Perseverance ровери 2021 йилда Maрсга қўнган парашютнинг бир қисми экани маълум бўлган.

Curiosity марсоходи томонидан Maрсни тадқиқ қилиш билан ўтган ўн йил мобайнида тўпланган архив маълумотлар таҳлил қилиниши натижасида Қизил сайёрада оммавий опал конлари борлиги маълум бўлганди. Бўлғуси “мустамлакачилар” учун опал заргарлик безаклари сифатида эмас, балки сув манбаи сифатида қизиқдир. Бу Maрсдаги бўлғуси база тақдири учун муҳим кашфиёт ҳисобланади.

Шунингдек, Curiosity марсоходи Қизил сайёрада углероднинг ноодатий турини ҳам аниқлаганди. “Замин” янгиликларини “Telegram”да кузатиб боринг